Çfarë tha Presidenti i SHBA-ve edhe për Venezuelën?
Donald Trump foli në Detroit pasi u dërgoi një mesazh iranianëve, për të “marrë kontrollin e institucioneve të tyre”.
Edhe pse tema e fjalimit ishte ekonomia, ai përmendi gjithashtu Iranin dhe Venezuelën.
Para se të dilte në skenë kur u pyet nga gazetarët nëse i kishte këshilluar aleatët e SHBA-ve të largoheshin nga Irani, Trump u përgjigj: “Mendoj se ata duhet të largohen. Nuk është ide e keqe”.
Kujtojmë se më parë Trump-i postoi në rrjetet sociale se iranianët duhet të vazhdojnë protestat dhe “të pushtojnë institucionet”, duke thënë se “ndihma është në rrugë e sipër”.
Në fjalimin e tij mbi ekonominë, Trump dënoi kritikët e pushtimit ushtarak që rrëzoi Presidentin Venezuelian Nicolas Maduro. “Ka njerëz, demokratë, që thonë, ‘Nuk e di nëse duhej ta kishim bërë në Venezuelë, nuk e di’. Kushdo që thotë këtë e urren vendin tonë, në rregull? Ishte një pushtim i përsosur, i ngjashëm nuk është parë kurrë më parë”, tha presidenti i SHBA-së.
Ai gjithashtu vlerësoi sasinë e naftës që udhëheqja e re e vendit po dërgon në SHBA. “Po marrim miliona e miliona fuçi naftë”, tha ai.
Për ekonominë dhe tarifat, ai tha: “Siç ju premtova, kam vendosur një tarifë prej 25% për të gjitha makinat e huaja. Prodhuesit amerikanë të makinave tani po marrin mbi 70 miliardë dollarë investime të reja, shumica e të cilave po kthehen në kryeqytetin botëror të automobilave: Detroit. Dhe ky idiot do të zhduket së shpejti”, duke iu referuar Jerome Powell (kreut të FED-it).
Presidenti Trump tha gjithashtu se “kur tregu rritet, ne duhet të ulim normat e interesit”, gjatë takimit të Klubit Ekonomik të Detroitit.
“Dua që tregu të rritet… Dëshironi të shihni se çfarë mund të bëjmë? Duhet të kthehemi në një model të vjetër.”
Ai më parë iu referua Iranit, duke thënë: “Kam marrë raportime për protestues të vrarë në Iran, por askush nuk e di se sa. Kam dëgjuar shifra të ndryshme të gjitha janë shumë. Njëra është shumë, ndoshta do ta zbulojmë në 24 orët e ardhshme, por mendoj se është shumë, shumë.”
Megjithatë, Presidenti i SHBA-ve Donald Trump refuzoi të jepte hollësi mbi kuptimin e mesazhit të tij për protestuesit iranianë, pasi u tha atyre se “ndihma është në rrugë e sipër” në një postim në Truth Social, dje. “Do të duhet ta gjeni vetë”, iu përgjigj ai një gazetari.
Në fjalimin e tij në Detroit, Trump u mburr me operacionet ushtarake të kaluara, duke i quajtur vrasjet e al-Baghdadit dhe Soleimanit të përsosura. Ai gjithashtu mori përsipër një sulm që neutralizoi aftësinë bërthamore të Iranit, duke e quajtur atë të përsosur dhe duke deklaruar se synon ta mbajë atë në atë mënyrë.
Megjithatë, ai bëri përsëri një shpërthim tërbimi…
