Nuk është lëshuar paralajmërim për cunami!
Tërmet i fuqishëm me magnitudë 6.2 ballë ka goditur bregun lindor të Japonisë, pranë Honshusë, duke shkaktuar shqetësim tek banorët e zonës.
Tërmeti ishte i cekët, rreth 10 kilometra i thellë, sipas Qendrës Gjermane të Kërkimeve të Gjeoshkencave (GFZ), gjë që e bëri atë veçanërisht të ndjeshëm.
Deri më tani nuk ka pasur raportime për dëme të mëdha ose lëndime. Lëkundjet u ndjenë në disa zona, por autoritetet po monitorojnë nga afër situatën për çdo zhvillim.
Pavarësisht intensitetit të tërmetit, nuk u lëshua asnjë paralajmërim për cunami, duke i qetësuar banorët e zonave bregdetare.
Është e habitshme që tërmeti u ndje edhe në pjesë të Australisë. Megjithatë, autoritetet kompetente atje nuk lëshuan paralajmërim për cunami.
Japonia është një nga vendet më të prirura ndaj tërmeteve në botë, me sisteme parandalimi dhe reagimi të menjëhershëm të zhvilluara mirë. Autoritetet mbeten në gatishmëri të lartë, duke u kujtuar njerëzve rëndësinë e të qënit të përgatitur për fatkeqësitë natyrore.
