Lëkundje të forta në të gjithë ishullin!
Autoritetet në gatishmëri, nuk ka raportime për dëme.
Një dridhje e re sizmike u regjistrua të premten në mëngjes pranë brigjeve të Kretës, duke shkaktuar shqetësim tek banorët.
Sipas Institutit Gjeodinamik, tërmeti kishte magnitudë 5 ballë të shkallës Rihter dhe ndodhej 18 kilometra në jug të Goudouras, Lasithi, me një thellësi fokale prej afërsisht 7.7 kilometrash.
Më herët në mëngjes, një dridhje më e fortë me magnitudë 5.7 ballë të shkallës Rihter e kishte paraprirë atë në të njëjtën zonë, gjë që përforcon aktivitetin intensiv sizmik në pjesën jugore të ishullit.
Nënprefekti i Lasithit, Yiannis Androulakis, raportoi se tërmeti ishte i gjatë dhe u ndje në një pjesë të madhe të Kretës, nga Sitia në Heraklion, me mbrojtjen civile që është në gatishmëri të lartë.
Nga ana e tij, presidenti i OASP-së, Efthymios Lekkas, vuri në dukje se ky ishte një tërmet sipërfaqësor, i cili u ndje në një zonë të gjerë gjeografike, duke përfshirë zona si Kasos dhe Karpathos, ndërsa theksoi se priten të dhëna më të sakta nga regjistrimet.
Njëkohësisht, po regjistrohet aktivitet intensiv post-sizmik, me dridhje që arrijnë deri në 3.8 të shkallës Rihter, gjë rrit shqetësimin te banorët.
Sipas autoriteteve lokale, deri më tani nuk janë raportuar dëme ose të lënduar, ndërsa kontrollet po vazhdojnë. Kryetarët e bashkive Sitia dhe Jerapetra bëjnë thirrje për qetësi, duke theksuar se fenomeni po monitorohet nga afër nga organet kompetente.
