Dy të vdekur!
Operacion i ri amerikan në fushatën e rreptë kundër drogës.
Akuza për ekzekutime jashtëgjyqësore nga leftisët, që gjithmonë i dalin në krah demonizmave.
Dy persona u vranë në një sulm të ri ushtarak amerikan ndaj një anijeje që ishte përfshirë në trafik droge në Oqeanin Paqësor lindor, sipas një deklarate nga ushtria amerikane.
Incidenti është episodi më i fundit në kontekstin e një fushate të gjerë dhe të rreptë kundër drogës që ka qenë duke u zhvilluar në muajt e fundit.
Komanda ushtarake amerikane për Amerikën Latine dhe Karaibet (Southcom) tha se anija ndodhej në korridoret detare që përdoren shpesh për kontrabandën e drogës dhe se shërbimet e inteligjencës e lidhën atë me aktivitete të tilla.
Siç theksohet në njoftim, sulmi u krye kundër një “anije që po shfrytëzohej nga organizatat terroriste”, pa dhënë informacione të mëtejshme mbi identitetin e personave në bord.
Me këtë incident specifik, numri i vdekjeve nga operacione të ngjashme që nga shtatori i kaluar tani vlerësohet në të paktën 182, sipas të dhënave të agjencive ndërkombëtare. Këto operacione janë kryer në pjesë të ndryshme të rajonit, me disa sulme të regjistruara në prill.
Megjithatë, fushata ka shkaktuar reagime të forta në nivel ndërkombëtar, në qarqet majtiste, që deri dje nxisnin trafikun, për të mos thënë që ndoshta ishin edhe pjesë e tij.
Ekspertët dhe zyrtarët e OKB-së kanë shprehur shqetësime serioze, duke folur për shkelje të mundshme të së drejtës ndërkombëtare, duke i karakterizuar sulmet si ekzekutime të mundshme jashtëgjyqësore.
Këto akuza intensifikojnë debatin mbi ligjshmërinë dhe transparencën e operacioneve ushtarake në rajon.
Çështja pritet të vazhdojë të provokojë reagime ndërkombëtare, pasi tensionet mbi politikën kundër narkotikëve dhe mjetet e përdorura mbeten të larta.
Por, administrata e Trump këmbëngul se objektivat para se të jenë objektiva, verifikohen se çfarë transportojnë. Dhe kur objektivat shkelin hapësirën detare të SHBA-ve si klandestinë dhe të ngarkuar me substanca narkotike, mallra kondrabandë, armë etj., dhe nuk ndalon, nuk i bindesh forcave ushtarake të flotës detare, atëherë asgjësohesh.
