“Jo, një bote unipolare!” – Kremlini mbështet Kinën në Tajvan.
Xi Jinping e ka siguruar Vladimir Putinin se Kina synon të luajë rolin e një “fuqie të madhe” përkrah Rusisë dhe duket se tani gjithçka po ndryshon pasi shohim se Pekini jo vetëm ndan të njëjtin qëndrim me rusët për çështjet e sigurisë globale, por është i gatshëm të marrë anën dhe të qëndrojë përkrah Moskës.
Tashmë patrullimet e përbashkëta të paralajmëruara mes marinës ruse dhe kineze në Oqeanin Paqësor tregojnë se blloku ushtarak është aktivizuar dhe deklaratat pasditen e sotme tregojnë se ky është vetëm fillimi.
Teknologjia ushtarake ruse dhe burimet natyrore, të kombinuara me aftësitë e pashtershme prodhuese kineze mund të transformojnë forcat e armatosura të të dy vendeve në një gjigant ushtarak të rangut të parë.
Është e mundur që tani të shohim hapjen e depove kineze dhe transferimin në radhët e ushtrisë ruse të miliona tonë materialeve raketore, municioneve dhe dronëve (Kina ka mbi 45,000 dronë të të gjitha llojeve në shërbim).
“Kina është e gatshme të punojë me Rusinë për të marrë përgjegjësitë e saj si një fuqi e madhe, për të luajtur një rol të përmasave të pahasura dhe për të krijuar stabilitet dhe energji pozitive në një botë të dominuar nga kaosi”, tha presidenti kinez Xi Jinping gjatë takimit me Presidentin rus Vladimir Putin, në Samarkand.
Xi dhe Putin po takohen paralelisht me Samitin e Organizatës së Bashkëpunimit të Shangait, në Samarkand.
Në takimin e tyre të parë katërpalësh që nga fillimi i luftës, Xi e quajti Putinin “mikun e tij të vjetër”, ndërsa Presidenti Rus tha se “përpjekjet e Shteteve të Bashkuara për të krijuar një botë unipolare do të dështonin”.
Vladimir Putin i tha homologut të tij kinez Xi Jinping se Moska mbështet politikën “Një Kinë”, kundërshton “provokimet” e Shteteve të Bashkuara në ngushticën e Tajvanit dhe vlerëson “qëndrimin e ekuilibruar” të Kinës ndaj Ukrainës.
Kina nuk e ka quajtur pushtim operacionin e Rusisë në Ukrainë, as ndërhyrje, por u pajtua me Kremlinin që e përshkruan si një “operacion special ushtarak” pavarësisht kërcënimeve për sanksione nga Perëndimi.
Herën e fundit që Xi dhe Putin u takuan personalisht, vetëm disa javë përpara sulmit të Rusisë ndaj Ukrainës më 24 shkurt 2022, ata deklaruan një bashkëpunim “pa kufij” dhe nënshkruan një marrëveshje-zotim për të bashkëpunuar më shumë kundër Perëndimit.
