Hulumtimet tregojnë se 1 milion fëmijë në botë mbetën jetimë nga nëna, për shkak të kancerit.
Përqindje e madhe e grave nën 50 vjeç që vuajnë nga tumori është një fakt shqetësues.
Kanceri është një problem madhor i shëndetit publik me pasoja të dukshme negative për individët e diagnostikuar me këtë sëmundje dhe mjedisin e tyre familjar dhe shoqëror.
Në një njoftim të fundit në Kongresin Botëror të Kancerit 2022, studiuesit prezantuan të dhënat për numrin e fëmijëve që mbeten jetimë nga nënë për shkak të kancerit.
Konkretisht, në vitin 2020, 4.4 milionë gra vdiqën nga kanceri. 78% e këtyre vdekjeve përfshinin gra nën moshën 50 vjeç. Studiuesit përdorën të dhënat e Kombeve të Bashkuara për popullsinë botërore, si dhe numrin mesatar të fëmijëve të gjallë për grua, në çdo vend dhe normat e lindshmërisë.
Kanceri – Statistikat sipas kontinentit
Shumica e këtyre vdekjeve përfshinin kontinentin e Azisë (49%) dhe Afrikës (35%) dhe më së shpeshti ishin të lidhura me gjoksin (25% të rasteve), qafën e mitrës (18%) dhe pjesën e sipërme gastrointestinale (13%). Në fakt, duket se ka një lidhje të zhdrejtë midis indeksit të zhvillimit njerëzor dhe numrit të jetimëve nga nëna për 100 vdekje femra.
Konkretisht, Europa e cila ka indeksin më të lartë të zhvillimit njerëzor, kishte numrin më të ulët të jetimëve për vdekje nga kanceri të nënës së tyre.
Këto të dhëna janë të rëndësishme sepse kapin për herë të parë shtrirjen e problemit që mund të ketë efekte të rëndësishme tek fëmijët. Siç u tha nga profesorët e Klinikës Terapeutike të Shkollës Mjekësore të Universitetit Kombëtar dhe Kapodistrian të Athinës, Michalis Liontos (Asistent Profesor), Flora Zagouri (Profesor), Theodora Psaltopoulou (Profesor) dhe Thanos Dimopoulos (Profesor dhe Rektor i EKPA), nga studimet e fëmijëve jetimë dihet se nënat karakterizohen në disa raste nga nivel më i ulët arsimor.
Është e qartë se kërkimet për sëmundjet kancerogjene duhet të intensifikohen për të reduktuar vdekshmërinë nga kjo sëmundje. Megjithatë, të dhënat e këtij studimi tregojnë se kjo mund të ndihmojë gjeneratën e ardhshme.
Përveç kësaj, shtojnë studiuesit, rreth gjysma e vdekjeve të grave lidheshin me sëmundje të parandalueshme, ose të diagnostikuedhme herët, si kanceri i gjirit apo i qafës së mitrës. Prandaj, studime të tilla rrisin ndërgjegjësimin e publikut për efektet ndër breza të kancerit dhe nxjerrin në pah nevojën për të reduktuar numrin e vdekjeve nga kanceri duke e parandaluar atë.
