Alarmi në Ballkan: Serbia rrëzoi dronin e Kosovës.
UAV depërtojnë masivisht në hapësirën ajrore të Serbisë, e cila ngriti avionë MiG-29. Rrëzimi i parë i një droni nga Ushtria Serbe.
Serbia dhe Kosova janë sërish në prag konflikti me Forcat e Armatosura Serbe, që zbatuan urdhërin e Presidentit të Serbisë Vuçiç duke rrëzuar një dron që hyri në hapësirën ajrore serbe nga Kosova dhe po filmonte instalimet ushtarake në qytetin e Raska, 250 kilometra në jugperëndim të Beogradit.
Është rrëzimi i parë i një droni nga sistemi i luftës elektronike të ushtrisë serbe. Mbetjet e dronit janë dërguar për analiza, për të përcaktuar nëse i përkasin Kosovës apo ndonjë shteti të NATOs.
Vlen të theksohet se ky nuk është fluturimi i parë në hapësirën ajrore të Serbisë. Ka ndodhur këto tre ditët e fundit disa herë. Duket se disa në NATO janë shumë të shqetësuar për lëvizjet e ushtrisë serbe.
Kryeministrja serbe Ana Brnabiç konfirmoi mbrëmë se dronët e armikut fluturuan mbi instalimet ushtarake:
“Ashtu është, dronët regjistruan një vendndodhje në Zonën e Sigurisë tokësore dhe dy kazerma. Për këtë jam informuar nga Presidenti i Republikës, i cili ka dhënë urdhër për forcimin e patrullës ajrore, e cila tashmë është e përhershme. Nëse kjo ndodh përsëri, ne do të rrëzojmë të gjithë dronët”, tha ajo.
Kujtojmë se dje Presidenti i Serbisë dhe Komandanti Suprem i Forcave të Armatosura, Aleksandar Vuçiç, ka lëshuar urdhër që menjëherë të rrëzohen të gjithë dronët e armikut që fluturojnë në hapësirën ajrore të Serbisë qendrore.
Një dron u pikas dhe u rrëzua.
Forcat e armatosura serbe kanë rrëzuar një dron mbi qytetin e Raskës pranë vijës administrative me Kosovën dhe Metohinë, njoftoi pak kohë më parë Ministria e Mbrojtjes të Sërbisë.
Kryeministrja serbe Ana Brnabiç dhe Ministri i Mbrojtjes Millosh Vuçeviç thanë se UAV me origjinë të panjohur po monitoronin pozicionet dhe njësitë ushtarake të ushtrisë serbe pranë vijës administrative me Kosovën dhe Metohinë.
Kryeministrja serbe Ana Brnabiç theksoi se dronët janë parë duke filmuar një lokacion ushtarak serb në Zonën e Sigurisë të territorit ndërmjet Kosovës dhe Serbisë dhe dy kazermave.
Kryeministri tha se: “Do të përpiqemi të ruajmë paqen, të ruajmë sigurinë, të përpiqemi të ndikojmë pozitivisht në stabilitet, edhe pse për momentin është jashtëzakonisht e vështirë, sepse në anën tjetër kemi njerëz që nuk mendojnë racionalisht. Dikush do të përdorë çdo gjë që mund të përdoret për të destabilizuar më tej situatën dhe për të kërcënuar sigurinë me lëvizjet e tyre të njëanshme”.
Droni u rrëzua duke përdorur masat e luftës elektronike pranë instalimeve ushtarake. Forcat e Armatosura të Serbisë do të vazhdojnë, në përputhje me urdhrin e Presidentit të Republikës dhe Komandantit të Përgjithshëm, të rrëzojnë të gjitha mjetet ajrore pa pilot që ndodhen në zonën e ndalim-fluturimit dhe pranë impianteve ushtarake. Forcat e Armatosura të Serbisë po marrin masa të shtuara për zbulimin, gjurmimin dhe neutralizimin e dronëve pranë objekteve ushtarake.
