Makron vendos përsëri maskën në fytyrë dhe mërzit aleatët perëndimorë me mesazhet e tij për Ukrainën.
Si u ndikua axhenda e presidentit francez?
Presidenti francez Emmanuel Macron vendosi sërish maskën, duke konsideruar se është e nevojshme t’i “rikthehemi këtij zakoni”, “në baza vullnetare”, përballë rritjes së rasteve me Covid-19.
“Unë po ndjek rekomandimet e ministrit tim”, tha ai me Ministrin e Shëndetësisë François Bron, gjithashtu i veshur me maskë, gjatë një udhëtimi pranë Poitiers në Francën qendrore-perëndimore.
“Përballë rritjes së rasteve epidemike, mendoj se është mirë të japim shembull sepse nuk duam t’i kthehemi detyrimisht masave kufizuese të përgjithësuara”, vijoi kreu i shtetit.
“Rrjedhimisht, kjo është edhe një mënyrë për të rifilluar zakonet e bazuara në vullnetarizëm dhe një frymë përgjegjësie“, theksoi ai.
E përballur me një valë të nëntë të Covid-19 në krye të shpërthimeve të gripit dhe bronkiolitit, qeveria ende po refuzon ta bëjë të detyrueshëm përdorimin e maskës, por nuk po përjashton një qëndrim më të ashpër ndaj saj nëse situata e kërkon atë.
Të dielën, Ministri i Shëndetësisë lëshoi një “apel të fortë” për t’u bërë thirrje më të rrezikuarve që të vaksinohen pasi përballen me këtë valë.
Në Francë, tetë valët e para sollën njëfarë imuniteti për popullatën, e cila ishte kryesisht e vaksinuar, por që ka vonuar administrimin e dy dozave përforcuese. Megjithatë, megjithëse numri i përgjithshëm i pacientëve të shtruar në spital mbetet në nivele shumë të larta këtë vit, shpërthimi rrezikon të godasë një sistem shëndetësor tashmë në vështirësi.
Pandemia ka vrarë më shumë se 158.000 njerëz në Francë, sipas Organizatës Botërore të Shëndetësisë dhe më shumë se 6.6 milionë në mbarë botën.
***
Mesazhet e përziera të MaKron për luftën në Ukrainë po shqetësojnë disa aleatë perëndimorë.
Kur 30 ministrat e jashtëm të vendeve anëtare të NATO-s u takuan në Bukuresht në nëntor për të hartuar plane të mëtejshme ndihme për Ukrainën dhe aktorët rajonalë nën presionin e Rusisë, pati një mungesë “të bujshme”, ishte Franca që mungoi.
Ministrja e Jashtme franceze Catherine Colonna shoqëronte Presidentin Emmanuel Makron në vizitën zyrtare në SHBA, por megjithëse Sekretari amerikan i Shtetit Anthony Blinken arriti të shkonte në Bukuresht, ajo nuk mundi. Që do të thotë se ishte vendosur që ajo të mos shkonte.
Për anëtarët europianë të Aleancës, veçanërisht ata në Europën Lindore që janë më afër vijës së parë të frontit, kjo ishte një arsye tjetër për t’u shqetësuar për politikën e Parisit ndaj Ukrainës dhe nëse është një hallkë e dobët në Aleancë që mbështet Kievin kundër pushtimit rus.
Dhe ajo që tronditi të gjithë është fraza e Makron thënë për Ukrainën: “Të kesh të drejtë nuk mjafton”.
Mesa duket Franca po na paralajmëron se planet e Perëndimit janë katastrofale dhe po lan duart si Ponti Pilat, për të mos mbajtur barrën e asaj që vjen, kryesisht në Europë.
