Këshilli Demokratik Kurd i Francës (CDK-F) e konsideron “të papranueshme” që incidenti me të shtëna që mori jetën e tre personave këtë pasdite jashtë një qendre të komunitetit kurd në Paris nuk është klasifikuar si “sulm terrorist”.
“Është e papranueshme që të mos jepet emërtimi i terrorizmit këtij akti dhe që francezët po përpiqen të na bindin se ishte thjesh një e djathtë ekstreme (…) që erdhi për të kryer këtë sulm të tmerrshëm në territorin tonë”, tha Agit Polat, një Zëdhënësi i CDK-F-së në një konferencë për Media që dha në një restorant, rreth 100 metra nga vendi i sulmit.
“Situata politike në Turqi në lidhje me lëvizjen kurde na bën të mendojmë se këto janë vrasje politike”, nënvizoi Polat, duke shtuar se, sipas kurdëve të Francës, pas sulmit qëndron “presidenti i Turqisë, Rexhep Tajip Erdogan dhe shteti turk”.
Ministri i Brendshëm francez Géral Darmanin tha më herët se sulmuesi i dyshuar veproi i vetëm dhe donte “të sulmonte të huajt”.
Përfaqësuesit e CDK-F-së u kanë bërë thirrje autoriteteve franceze “të ndalojnë papajtueshmërinë ndaj autoriteteve turke kur bëhet fjalë për sigurinë e kurdëve. Autoritetet franceze duhet të na pranojnë dhe të ndalojnë këtë lojë cinike”, tha Polat, duke sqaruar se ai kishte “shprehur frikën e tij” për sigurinë e kurdëve tek shërbimet e inteligjencës franceze “vetëm 20 ditë më parë”.
“Komuniteti franko-kurd sot është i zemëruar dhe i frikësuar”, tha David Antik, këshilltar ligjor i CDK-F.
I pranishëm në intervistë ishte gjithashtu Jean-Luc Mélenchon, një lider i së majtës radikale të Francës, i cili tha se “nuk beson në rastësi kur bëhet fjalë për vrasjen e kurdëve në Paris”, rreth 10 vjet pas vrasjes së trefishtë të aktivistëve kurdë në Francë. CDK-F siguron se pas këtij rasti qëndrojnë shërbimet sekrete turke.
Lidhur me viktimat e sulmit të sotëm, CDK-F tha se njëri ishte një artist kurd, një refugjat politik i njohur, i cili “po persekutohet në Turqi për artin e tij”. Burri i dytë ishte “një qytetar i zakonshëm kurd”, që frekuentonte qendrën komunitare çdo ditë.
Gruaja e vrarë kishte paraqitur një kërkesë për t’i dhënë azil politik, por kjo u refuzua nga autoritetet franceze.
Këshilli Koordinues i Organizatave Armene në Francë (CCAF) në një deklaratë shprehu ngushëllimet e tij për Qendrën Kulturore Kurde dhe CDK-F, “me të cilat ruajmë një miqësi të gjatë, të krijuar në mobilizimet tona kundër panturqizmit dhe fashizmit turk”.
