Athinë: Hellinikon Casino Resort (€8 miliardë investim, 7 mijë vende pune)

Operatori “US casino – Mohegan Gaming & Entertainment” (MGE) njoftoi se anagazhohet të ndërtojë në Athinë një “Resort Casino Luxury” në hapësirën e ish Aeroportit të Athinës, duke tejkaluar impaktin e pandemisë.

“Hellinikon International Airport” ishte aeroporti qëndror i Greqisë në Athinë për më shumë se 6 dekada, por që në vitin 2001, 3 vite para zhvillimit të Lojërave Olimpike #Athens2004, u shpërngul në periferi të Prefekturës së Attikës.

Kompania është gati të fillojë konstruksionin pasi fitoi proçesin e tenderimit, deklaroi CEO i kompanisë MGE, z.Mario Kontomerkos.

Ndërtimi i këtij konstruksioni bashkëkohor dhe luksoz do të tërheqë në Athinë me qindra mijëra turistë dhe do të gjenerojë 7 mijë vende të reja pune.

“Inspire Athens” do të përfshijë në vetvete hotel luksoz, ambjente argëtimi, qendra konvencioni, ‘shopping’ me pakicë, një numër restorantesh dhe një kazino.

Kompania fituese “Mohegan Gaming” gjatë periudhës së virusit ka mbajtur mbyllur që të shtata kazinot e tjera në pronësi të saj, duke përfshirë pronën me të njëjtin emër “Mohegan Sun” në Connecticut të SHBA. MGE ka në pronësi ose në bashkëpronësi gjithashtu edhe “Mohegan Sun Pocono” në Pennsylvania, “Resorts Casino Hotel” në Atlantic City, “Ilani” në Washington, “Paragon Casino Resort” në Louisiana të SHBA, si dhe “Casino Niagara” dhe “Fallsview Casino Resort” në Kanada.

Enti tribial është në një periudhë hemoragjie në vlera miliona dollarësh, por kjo nuk do ta bëjë aspak që të tërhiqet nga investimi në Athinë.

“Mohegan Gaming Entertainment” është tërësisht e fokusuar dhe e angazhuar për ta kthyer Athinën në një pol atraksioni dhe për ta shndërruar Greqinë në destinacionin kryesor të aktiviteteve të argëtimit dhe të konferencave të biznesit në Europë.

Nëse ky nuk përbën një informacion të interesit të veçantë për këdo, është një informacion i rëndësisë së veçantë për të gjithë homogjenët dhe emigrantët shqiptarë që banojnë në Athinë. Një mundësi më shumë punësimi gjatë periudhës së konstruksionit dhe gjatë funksonimit të Kazinos më të madhe në Ballkan.

Lini një Përgjigje

Your email address will not be published.

Previous Story

Shqipëria i vetmi vend në botë, që nxjerr naftë dhe del me humbje!

Next Story

Barazia Gjinore 50|50, atentat kualitetit me plumb kuantiteti!

Latest from Info