BE Jep 484,2 Milionë Euro Ndihmë Financiare për 20 Vende për t’u Përballur me COVID-19 – Në Listë edhe Shqipëria!

/

Pro mbështetjes financiare votoi komisioni i Buxhetit të Parlamentit Europian, duke i dhënë ndihmë financiare 20 vendeve në kuadër të emergjencave që lidhen me pandeminë dhe katastrofat natyrore.

Anëtarët e komisionit për Buxhetin aprovuan projekt-propozimin e Eider Gardiazabal (Socialistët e Spanjës) me 38 vota pro, 1 kundër dhe 1 abstenim, për të vënë në lëvizje Fondin e Solidaritetit të Bashkimit Europian. Parashikohet ndihmë financiare për 20 vende, fonde që do të shkojnë për katastrofat natyrore dhe për sektorin e shëndetit publik, për shkak të virusit COVID-19 që u shfaq vitin e kaluar.

Mbështetje financiare në kuadër të pandemisë.

397,5 milionë euro të ndihmës së BE-së do të kontribuojnë në përpjekjet që bëjnë 17 shtete anëtare dhe 3 vende kandidate (Austri, Belgjikë, Kroaci, Irlandë, Itali, Letoni, Lituani, Lukemburg, Portugali, Rumani, Spanjë, por edhe Shqipëri, Mali i Zi dhe Sërbi) për mbrojtjen e sektorit të shëndetit publik dhe përballimin e pandemisë. Këto fonde do të subvencionojnë pjesë të buxheteve të shteteve për pajisje mjekësore, për pajisje të mbrojtjes civile, për mbështetje ekonomike lidhur me emergjenca, për marrjen e masave profilaktike, si dhe për ndjekjen dhe kontrollin e shtrirjes së virusit.

Për t’u theksuar, duket të jetë kontradikta mes krizave ekonomike në shumë vende të Europës, për shkak të pandemisë dhe bollëkut monetar, apo rezervave monetare të Bashkimit Europian. Dhe sa më sipër nuk është thjesht dhe vetëm kontradiktë, por vartësi shtetesh të kushtëzuara, si dhe supremaci gjermanike në ekonomi dhe financa. Nga lista e shteteve anëtare që marrin ndihmë monetare, përjashtohen Gjermania dhe Franca.

6 Comments

Lini një Përgjigje te One Nine Elms website Anuloje përgjigjen

Your email address will not be published.

Previous Story

Qeveria Greke më e Devotshmja në Implementimin e "The Great Reset"

Next Story

Shqipëria Tjetër - Berisha "non grata", Basha "sfata"!

Latest from Info