Për pak minuta banorët e Mikonos do të përjetonin holokaust flakësh, nga zjarret që kanë pushtuar ishullin prej disa ditësh dhe që forcat e zjarrfikësve dhe ato të ushtrisë nuk po i vënë dot nën kontroll.
Zjarret u shfaqën fillimisht në periferi të disa zonave të banuara, ndërkohë që zjarrfikësit luftojnë me flakët për të shpëtuar banesat dhe jetët e njerëzve.
Flakët e zjarrit rrethuan një bllok banesash dhe filluan të “lëpijnë” murret e godinave, brenda të cilave ndodheshin njerëz.
Vetëm një Air-Tractor, që u thirr për të ndihmuar situatën ekstreme, bëri të mundur nxjerrjen e njerëzve nga banesat, pasi mundi të vakë vrullin e flakëve të zjarrit dhe të ulë tempin e djegies.
Mes shumë vështirësish u bë e mundur zbrazja e banesave dhe largimi i njerëzve.
Fenomeni zjarre dhe flakë në Turqi, Greqi, Shqipërinë e Jugut dhe Italinë e Jugut, duket të jetë si një epidemi flakësh. Të ketë dorë njeriu i papërgjegjshëm vallë, në ndezjen e flakëve? Pa më të voglin dyshim! Sepse nuk mund ndizen disa vatra zjarri në të njëjtën kohë. I njëjti fenomen shfaqet në të gjitha këto shtete që përmendëm.
