Një muaj para zgjedhjeve vendimtare të mesmandatit, Trump akuzon Biden për “zvarritje dhe shtyrje të SHBAsë në shkatërrim bërthamor”.
Donald Trump nisi një sulm të ashpër ndaj Joe Biden për situatën në Ukrainë. Një sinjal rreziku dha Trump, në rast se nuk arrihet paqja në Ukrainë. Ish Presidenti i SHBAsë Donald Trump në një fjalim publik përpara mijëra republikanëve amerikanë, drejtoi shigjetat kundër Biden dhe asaj që ai po bën në Ukrainë dhe në veçanti parashtroi frikën se ai do të rrëshqasë nga manipulimet e tij, në konflikt lufte të hapur dhe do ta kalojë vendin në kaos bërthamor.
Dhe e gjithë kjo vetëm një muaj para zgjedhjeve afatmesme në të cilat, siç tregojnë të gjitha sondazhet, demokratët do të pësojnë disfatë, pasi sondazhet i tregojnë ata në 35%.
Zgjedhjet afatmesme mbahen çdo katër vjet, por dy vjet pas zgjedhjeve presidenciale, duke riformuar shumicën në dy dhomat e Kongresit: Dhomën e Përfaqësuesve dhe Senatin.
“Ne duhet të kërkojmë negociata të menjëhershme për një përfundim paqësor të luftës në Ukrainë ose do të përfundojmë në Luftën e Tretë Botërore. Dhe nuk do të mbetet asgjë nga planeti ynë dhe e gjitha kjo, sepse idiotët nuk e kanë idenë. Ata nuk e kanë kuptuar madhësinë e shkatërrimit. Nuk e kuptojnë fuqinë e armëve bërthamore”, tha Trump.
“Në fakt e tallnin Presidentin Putin. Vendi ynë dhe i ashtuquajturi lidershipi ynë talleshin me Rusinë. E thashë qartë se gati po e detyrojnë të reagojë, me retorikën kaq idiote të Biden.”
Ai tha se ndërhyrja në Ukrainë “nuk do të kishte ndodhur kurrë” nëse ai do të ishte ende president.
Trump foli gjithashtu për marrëdhëniet e tij me Putinin dhe Presidentin Ukrainas Volodymyr Zelensky kur prezantuesi dhe gauzetari Wayne Root, sugjeroi që Biden mund të dërgonte personalisht Trump-in për të negociuar një marrëveshje paqeje!
“Unë shkova shumë mirë me Zelensky dhe Putin” tha Trump.
Trump iu referua telefonatës që pati me presidentin ukrainas Volodymyr Zelensky, sipas së cilës ai i kërkoi atij informacion për veprimet e djalit të tij Joe Biden në Ukrainë.
Demokratët e kishin akuzuar atë për përdorimin e pozicionit të tij për të bërë presion ndaj Presidentit ukrainas dhe për të lënduar kundërshtarin e tij politik. Zelensky e kishte mohuar se një gjë e tillë kishte ndodhur.
Megjithatë, në Amerikë ka shumë zëra që po rriten vazhdimisht, gjë që reflektohet edhe në sondazhe, që nuk pajtohen me politikën e Bidenit në Ukrainë, në një kohë kur vendi po goditet nga një valë e paparë inflacioni, duke çuar miliona amerikanë në varfëri.
