La Repubblica: “E. Makron i propozoi Mario Dragin për t’u bërë Sekretar i Përgjithshëm i NATOs”.
Shumica e politikanëve në Francë besojnë se Mario Dragi është ideali për të trajtuar marrëdhëniet ndërkombëtare. Në drekën mes Emmanuel Makron dhe Mario Dragi, Presidenti francez sugjeroi që kryeministri në detyrë i Italisë të bëhet Sekretar i Përgjithshëm i NATOs.
Gjithçka, ndodhi gjatë një dreke të fshehur nga presidenti francez Emmanuel Macron, të enjten e kaluar me Kryeministrin në detyrë të Italisë, Mario Dragi, përpara se “SuperMario” i skenës ekonomike dhe politike europiane t’i dorëzojë stafetën Georgia Meloni.
Informacionet e gazetës “La Repubblica” kërkojnë që ish bankieri europian të katapultohet nga “qiramarrësi” i Elysee për një rol të ri dhe “emocionues”. Gjatë “takimit privat” dyorësh të Mario Dragit me Presidentin francez në Paris, u diskutua për zhvillimin e ndërhyrjes ruse në Ukrainë, Samitin e ditëve në vijim, por edhe zhvillimet aktuale politike dhe ekonomike në BE përkrah sfidave gjeopolitike.
Dy liderët thuhet se kanë reflektuar mbi propozimin që presidenti francez Emmanuel Makron “hodhi” në tryezën e darkës që Mario Dragi të pasojë Jens Stoltenberg si Sekretar i Përgjithshëm i NATOs qershorin e ardhshëm.
Presidenti francez, në fund të fundit, asnjëherë nuk e ka fshehur nivelin e lartë të bashkëpunimit me Mario Dragin, për të cilin është shprehur shumë herë publikisht, së fundmi në Samitin e Pragës javën e kaluar.
Ndonëse zyrtarisht nuk ka nisur asnjë diskutim për trashëgiminë e Jens Stoltenberg, Sekretarit të ri të NATOs i kërkohet gjithsesi që të ruajë ekuilibrin mes anëtarëve, gjë që nuk ndodhi me Stoltenberg në rastin greko-turk, pasi Stoltenberg tejkaloi disa herë praktikat e NATOS, lidhur me “distancat e barabarta” në marrëdhëniet e anëtarëve të Krahut Juglindor të Aleancës, apo kur i bëri thirrje Greqisë dhe Turqisë që të “gjenin gjuhën me njëri-tjetrin”, ndërkohë që tensionet mes dy vendeve janë në prag lufte.
Në këtë këndvështrim dhe duke pasur parasysh marrëdhëniet shumë të mira mes kryeministrit Kyriakos Mitsotakis dhe Mario Dragi, ndryshimi i stafetës në NATO mund të nënkuptojë për Athinën një përmirësim të mëtejshëm të rolit të saj brenda Aleancës së Atlantikut të Veriut, ndoshta duke frenuar provokimin turk në rajon dhe më gjerë.
