Ukraina po planifikon një evakuim masiv të kryeqytetit, pasi të gjithë e dinë se pason sulmi tokësor.
Valë e re e refugjatëve që po lëvizin drejt Ukrainës perëndimore dhe më pas drejt vendeve të BE-së.
Kryebashkiaku i Kievit, Vitali Klitschko ka parashikuar se 3 milionë banorët e kryeqytetit ukrainas janë në një dimër shumë të vështirë, ndaj zyrtarët parashtrojnë një plan evakuimi masiv për shkak të dëmtimit të infrastrukturës energjitike.
Kjo do të thotë se rusët po arrijnë një qëllim madhor, evakuimin gradual të Kievit, i cili do të shoqërohet me një sulm të ri rus nga ana e Bjellorusisë.
Qytetarët ukrainas do të detyrohen të largohen nga kryeqyteti i vendit pasi kompanitë e energjisë janë shembur literalisht dhe situata është e dëshpëruar. Nëse kjo arrihet, e cila tani duket e pashmangshme, atëherë S. Surovikin do të ketë bërë një hap të madh drejt pushtimit të Kievit.
Do të vijojë një rafshim ajror i kryeqytetit ukrainas, i ndjekur nga një operacion i madh tokësor.
“Ky është dimri më i keq që nga Lufta e Dytë Botërore”, tha Klitschko për tabloidin gjerman “Bild”, sipas një raporti të gazetës sot.
“Qyteti është i detyruar të përgatitet për ‘skenarin më të keq’, ndërprerje kudo të energjisë dhe temperatura shumë të ftohta, madje edhe për evakuimin e një pjese të popullsisë”, tha Klitschko, duke nxituar të shtojë: “por ne nuk duam të arrijmë atje”.
Vitali Klitschko ka akuzuar presidentin rus Vladimir Putin se po përpiqet të detyrojë banorët e Kievit të largohen nga qyteti duke bombarduar infrastrukturën.
Putin “po përpiqet të terrorizojë njerëzit, t’i bëjë atë të ngrijë, të jenë pa dritë” për të vënë nën presion homologun e tij ukrainas Volodimir Zelenski, tha kryebashkiaku i Kievit.
“Por asgjë e tillë nuk do të ndodhë. Përshtypja ime është se njerëzit do të zemërohen edhe më shumë, do të jenë më të vendosur. Ne nuk do të vdesim, as nuk do ta lëmë Putin të na pushojë siç dëshiron”, këmbënguli ai.
Ai kërkoi gjithashtu që Gjermania të dërgojë sa më shpejt gjeneratorë, veshje mbrojtëse dhe sende të ndryshme me karakter humanitar, përveç armëve dhe municioneve.
