“Përpjekjet për të paraqitur bisedën e oficerëve të Bundeswehr-it si një lojë raketash dhe tankesh është një gënjeshtër keqdashëse.
“Gjermania po përgatitet për luftë me Rusinë”, paralajmëroi zëvendëspresidenti i Këshillit të Sigurimit rus Dmitri Medvedev në një postim në Telegram, duke iu referuar diskutimeve midis oficerëve gjermanë sesi ata do të mund të bombardojnë urën e Krimesë (urën e Rusisë pra).
Në veçanti, deklarata e Medvedev u bë pas publikimit në Rusi të pjesëve audio nga një takim i oficerëve të lartë ushtarakë gjermanë të flotës ajrore.
Berlini ka pranuar se rusët përgjuan audion e një takimi ushtarak ku oficerët e Forcave Ajrore Gjermane (Luftwaffe) diskutuan furnizimin me raketave të lundrimit Taurus, me rreze të gjatë veprimi, në Ukrainë dhe objektivave të mundshëm.
Ish presidenti i Rusisë denoncoi drejtpërdrejt udhëheqjen ushtarake gjermane për “rrezikun e nxitjes së luftërave”.
“Përpjekjet për ta paraqitur bisedën e oficerëve të Bundeswehr-it si një ‘lojë raketash dhe tankesh’ është një gënjeshtër keqdashëse. Askush nuk e di nëse e dinë lidershipi politik dhe kancelari personalisht.
Por edhe nëse nuk e dinë dhe nuk e kanë urdhëruar, historia njeh shumë shembuj kur ushtria është në gjendje të marrë vendime për liderët politikë për fillimin e luftërave apo nxitjen e tyre.
Ata do të shkojnë te Scholz dhe do i thonë: “Zoti (Reich) Kancelar, një raketë u rrëzua në Ukrainë. Sipas llojit dhe trajektores po fluturonte për në Berlin. Çfarë do të përgjigjet Scholz, ëë?”, ndërsa ish presidenti e përfundoi duke thënë “gjithçka është e qartë si dita”.
Deklarata e Medvedev bazohet në vlerësime solide, pasi ministri gjerman i Shëndetësisë Karl Lauterbach, gjatë intervistës së tij për gazetën “Neue Osnabrücker Zeitung”, theksoi se “Gjermania nuk duhet të përgatitet vetëm për pandemitë e ardhshme, por edhe për fatkeqësi të mëdha dhe konflikte të mundshme ushtarake”.
“Ne gjithashtu kemi nevojë për një kthesë (Zeitwende) në sistemin e kujdesit shëndetësor, si dhe veçanërisht pasi Gjermania mund të bëhet një qendër për trajtimin e të plagosurve nga vendet e tjera në rast se klauzola e ndihmës reciproke të NATO-s aktivizohet”, argumentoi Lauterbach, duke iu referuar asaj që Qeveria e koalicionit nën Olaf Scholz duhet të merret me pandeminë dhe për të pajisur më mirë strukturat e sistemit të kujdesit shëndetësor për kriza të mëdha.
Kjo do të thotë se qeveria gjermane është në dijeni se ajo që po ndodh në Ukrainë mund të përfundojë në një luftë të përgjithshme.
Vihet re se ministri gjerman i Mbrojtjes Boris Pistorius tha të dielën se Rusia po zhvillon një “luftë informacioni” me qëllim që të shkaktojë përçarje brenda Gjermanisë pa përmendur asgjë për “snuffbox”.
A po planifikonin oficerët gjermanë një sulm në infrastrukturën strategjike të një shteti tjetër?
Pyetja është shumë e thjeshtë dhe ky është thelbi pasi veprime të tilla të rrezikshme e kanë sjellë planetin në prag të një lufte bërthamore.
Ata ende nuk e kanë kuptuar në Perëndim se çfarë do të thotë lufta bërthamore. Një luftë e tillë do të thotë një asgjësim pothuajse total për njerëzimin.
