“Prandaj, drejtimi i valës mund të ndryshojë!”
JP Morgan parashikon se SHBA do të përballet me një krizë me intensitet të ngjashëm me atë të vitit 1973, ndërsa aleanca ekonomike BRICS vendoset si një fuqi globale në vitin 2024 dhe shqetëson gjigantin amerikan për avancimin e agjendës së tij të dedollarizimit.
“Prandaj, drejtimi i valës mund të ndryshojë”, me JP Morgan që vlerëson se pasojat do të jenë të dhimbshme.
Në veçanti, drejtori menaxhues i bankës, Jamie Dimon, foli për Wall Street Journal për rrjedhën e ekonomisë amerikane.
“Këto tendenca të rëndësishme dhe disi të paprecedent na bëjnë të jemi të kujdesshëm”, tha CEO i JP Morgan Dimon, duke shtuar: “Lidershipi global i Amerikës po sfidohet nga vendet në zhvillim si blloku SCO, grupimi ASEAN dhe BRICS.
Ndërsa BRICS dhe vendet e tjera përpiqen të çrrënjosin dollarin, elektorati i polarizuar në Amerikë po shkakton ndarje të mëtejshme. Ndërmarrja e lirë perëndimore është në krizë…”.
Më tej, shefi i JP Morgan la të kuptohet se BRICS nuk do të jetë e vetmja aleancë që do të inicojë axhendën e dedollarizimit.
Ai kërkoi që Shtetet e Bashkuara të lënë mënjanë të gjitha dallimet dhe të punojnë ngushtë me vendet në zhvillim.
“Ne duhet të gjejmë mënyra për të lënë mënjanë dallimet tona dhe të punojmë në bashkëpunim me vendet e tjera perëndimore, në emër të demokracisë.
Gjatë kësaj kohe krize të madhe, përpjekja për të mbrojtur liritë tona themelore, përfshirë sipërmarrjen e lirë, është e një rëndësie të madhe”, ka shkruar ai.
Në çdo rast, JP Morgan e merr seriozisht axhendën e dedollarizimit të BRICS dhe paralajmëron se ajo mund të ndikojë në tregjet amerikane.
Në letrën e tij drejtuar aksionerëve të JP Morgan, ai shkroi se mbështetja e SHBA-së tek Kina për sigurinë e saj kombëtare është aspekti “më kritik” i problemit.
“Shtetet e Bashkuara nuk mund të mbështeten te kundërshtarët e mundshëm për materiale thelbësore për sigurinë e tyre kombëtare.
Mendoni për tokat e rralla, 5G dhe gjysmëpërçuesit, penicilinën dhe materialet jetike për farmaceutikët bazë.
Ne nuk mund të ndajmë teknologji jetike që mund të rrisin aftësitë ushtarake të një kundërshtari.
Ata nga ana tjetër kanë nevojë për naftë dhe gaz natyror”, theksoi ai.
Duke pasur parasysh disa aleanca gjeopolitike, Dimon tha se është e vështirë për SHBA-në dhe Kinën që të kenë një marrëdhënie “të shkëlqyer” tani më.
Në ditët e fundit, Sekretari i Përgjithshëm i NATO-s, Jens Stoltenberg i tha Kinës se nëse dëshiron të ketë marrëdhënie me Perëndimin, duhet të ndalojë mbështetjen e Rusisë në luftën e saj me Ukrainën.
Siç theksoi ai gjatë vizitës së tij në Pekin, “Kina po ndihmon në mbështetjen e ekonomisë ruse duke shkëmbyer teknologjinë”.
Sipas Reuters, Stoltenberg tha se Rusia importoi 90% të mikroelektronikës së saj – të nevojshme për raketa, tanke dhe avionë – nga Kina.
Pekini po ndihmon gjithashtu Rusinë me aftësi të përmirësuara satelitore dhe imazherike.
“Kina thotë se dëshiron marrëdhënie të mira me Perëndimin. Në të njëjtën kohë, Pekini vazhdon të ushqejë konfliktin më të madh të armatosur në Europë që nga Lufta e Dytë Botërore. Ata nuk mund ta kenë edhe byrekun të pangrënë, edhe qenin të ngopur”, tha Stoltenberg.
Dimon i bën jehonë kësaj ndjenje, duke thënë: “Përderisa Ukraina po kalon atë që po kalon, dhe ata po bëjnë gjithçka për të ndihmuar dhe mbështetur Rusinë, mendoj se është shumë e vështirë të zhvillosh një marrëdhënie të shkëlqyer me ta. Më vjen mirë që qeveria ka vullnet për të bërë disa gjëra. Nëse, në fakt, ndonjë nga këto gjëra që ata thonë është e vërtetë, atëherë po, ata duhet të vendosin disa dënime. Por ata do të duhet të presin për kohën e duhur”.
Këtë javë WSJ raportoi – duke cituar njerëz të njohur me këtë çështje – se SHBA po punon për sanksione për të shkëputur disa banka kineze nga sistemi financiar global, në një përpjekje për të kufizuar marrëdhëniet e Kinës me Rusinë.
Situata është si e viteve 70. Dhe më pas gjërat dukeshin goxha rozë në vitin 1972 – ato nuk ishin rozë në 1973”.
Dimon u kujtoi të gjithëve recesionin që po përjetonin Shtetet e Bashkuara në atë kohë: “Një krizë nafte e çoi inflacionin në rritje. Kriza ekonomike mbizotëronte gjithandej, stagflacioni”.
Megjithatë, këtë herë, Dimon sheh disa faktorë që duhet t’i mbajnë tregjet të kujdesshëm: deficitet e mëdha fiskale, presionet në rritje të çmimeve dhe rritja e gjelbër janë flamuj të kuq.
“Deficiti është 6% e PBB-së, gati 2 trilion dollarë. Kjo nxit kryesisht zhvillimet, do të ketë pasoja.”
