Presin padyshim diçka!
“Duhet të përgatitemi për të papriturat!”
Qeveria e shtetit skandinav nënshkroi një kontratë të martën e kaluar me kompani private për të filluar ruajtjen e produkteve të drithit.
Kontrata fillestare do të mbulojë ruajtjen e 30.000 tonë drithë, tha ministri i Bujqësisë dhe Ushqimit Geir Pollestad për transmetuesin norvegjez NRK.
Qëllimi është të ruhen rreth 82.500 ton drithë deri në fund të dekadës, duke siguruar furnizim të mjaftueshëm për tre muaj konsum për popullsinë e Norvegjisë, në çdo krizë të mundshme, citoi NRK të thoshte Pollestad.
Ky ushqim vlerësohet të jetë i mjaftueshëm për të ushqyer mbi 5 milionë qytetarë për tre muaj në rast emergjence (ndoshta një luftë botërore).
Polestad theksoi se situata e sigurisë është përkeqësuar ndjeshëm në rajon, duke bërë që qeveria të përqëndrohet në forcimin e gatishmërisë.
Supozohet se veprime të ngjashme janë ndërmarrë edhe në shtete të tjera europiane gjatë viteve të fundit, shumica e të cilave, natyrisht, nuk janë bërë të ditura.
“Siguria ushqimore është jetike. Ne duhet të përgatitemi për të papriturat dhe të sigurojmë akses në ushqim në situata të tilla”, tha ai.
Pollestad shpjegoi më tej se këto kontrata janë planifikuar të zbatohen midis 2024 dhe 2025, me një periudhë ruajtjeje prej 25 vitesh.
Norvegjia aktualisht mban një normë të vetëmjaftueshmërisë ushqimore prej 40%.
