“Pasuria duhet të shpërndahet në mënyrë më të drejtë dhe të merren parasysh pikëpamjet e secilit vend”, tha ai.
Presidenti rus Vladimir Putin filloi sot vizitën e tij në Turkmenistan, në këtë vend të Azisë Qendrore ku zhvillohet një konference ndërkombëtare, në të cilën foli më herët gjatë ditës së sotme.
Sipas asaj që tha Putin, nevojitet një rend i ri botëror ku pasuria të shpërndahet më drejtë dhe të merren parasysh pikëpamjet e secilit vend.
Në konferencën e kryeqytetit të Turkmenistanit, Ashgabat, marrin pjesë liderë të vendeve të rajonit dhe Putin pritet të zhvillojë bisedime të veçanta me homologun e tij të Turkmenistanit, Serdar Berdimukhamedov, ndërsa siç njoftoi Kremlini, presidenti rus pritet të zhvillojë bisedime për situatën në Lindjen e Mesme në kuadër të konferencës, me presidentin iranian Massoud Pezheskian, i cili gjithashtu do të marrë pjesë.
