Merkel mbështeti Hillary Clinton dhe Kamala Harris në ofertat e tyre të dështuara presidenciale kundër Trump dhe pranoi se humbjet e tyre e mbushën atë me trishtim.
Ish kancelarja gjermane Angela Merkel, e cila në kujtimet e saj të reja ngre frikën për rendin demokratik perëndimor me Donald Trump si president të SHBA-ve, shprehu shqetësime të thella për rolin kryesor që do të luajë miliarderi Elon Musk në administratën Trump.
Dikur “Zonja e Hekurt” e Gjermanisë, e cila gjatë mandatit të parë të Trump fitoi nga disa analistë emërtimin “udhëheqës i botës së lirë”, që zakonisht rezervohet për presidentët e SHBA-ve, tha se në 16 vitet e saj në detyrë ishte mësuar që interesat e biznesit dhe politikës duhet të mbahen në ekuilibër.
E pyetur nga revista Der Spiegel në një intervistë, nëse sfida që paraqet Trump sot është më e madhe se kur ai fitoi zgjedhjet në vitin 2016, Merkel u përgjigj: “Tani ekziston një aleancë e dukshme midis Trump dhe kompanive të mëdha në Silicon Valley, që kanë fuqi të madhe përmes kryqytetit të tyre”.
Musk, i cili është një këshilltar i ngushtë i Trump përpara mandatit të tij të dytë, është përzgjedhur nga presidenti i zgjedhur i SHBA-ve për të udhëhequr një “departament të efikasitetit të administratës” të sapoformuar, së bashku me Vivek Ramaswamy. Merkel tha se fuqia financiare e shefit të SpaceX dhe Tesla e bën vendosjen e tij në një rol të tillë, në të njëjtën kohë “jashtëzakonisht problematik”.
“Nëse një person si ai zotëron 60% të të gjithë satelitëve në hapësirë, atëherë kjo duhet të na shqetësojë tmerrësisht, së bashku me të gjitha çështjet politike” tha ajo. “Politika duhet të përcaktojë ekuilibrin shoqëror midis qytetarëve të pushtetshëm dhe të zakonshëm.”
Ajo vuri në dukje se gjatë krizës financiare 2007-2008, gjatë mandatit të saj të parë si kancelare gjermane, “sfera politike ishte autoriteti përfundimtar që mund të zgjidhte gjërat”, me masa të tilla si, paketat e shpëtimit, të kombinuara me rregullore të reja.
“Dhe nëse kjo fuqi përfundimtare ndikohet shumë fuqishëm nga korporatat, qoftë përmes fuqisë kapitale, apo aftësive teknologjike, atëherë kjo është një sfidë e paprecedent për të gjithë ne”, tha Merkel, libri i së cilës prej 700 faqesh do të dalë të martën në qarkullim.
Ish politikania gjermane tha se një nga shenjat dalluese të shoqërive të lira, kanë qenë tradicionalisht kontrollet e qarta mbi fuqinë dhe ndikimin e korporatave të super të pasurve. “Në një demokraci, politika nuk është kurrë e pafuqishme kundër korporatave”, theksoi ajo.
Për platformat e mediave sociale si X, Merkel tha: “Është e rëndësishme të kundërshtohet furia në mediat sociale, siç është ajo që AfD ka shkaktuar në vendin tonë”, duke iu referuar partisë së ekstremit të djathtë Alternativa për Gjermaninë, e cila është votuar dhe është parti e dytë përpara zgjedhjeve të parakohshme në Gjermani, më 23 shkurt 2025.
Merkel pranoi gjithashtu se ajo mbështeti Hillary Clinton dhe Kamala Harris në ofertat e tyre të dështuara presidenciale kundër Trump dhe pranoi se humbjet e tyre e mbushën me trishtim.
