Flakët kanë arritur deri në 20 metra lartësi.
Nga ngjarja nuk ka pasur viktima.
Një tren mallrash që transportonte benzenin kimik shumë toksik, doli nga shinat në Republikën Çeke, duke shkaktuar një zjarr masiv, të premten, më 28 shkurt.
Incidenti pati pasoja dramatike, me një re të dendur tymi të zi të dukshëm nga mijëra metra, duke shkaktuar shqetësim në të gjithë rajonin.
Freight Train Derailment Sparks Toxic Blaze in Czech Republic.
— JAS (@JasADRxquisites) February 28, 2025
HUSTOPEČE NAD BEČVOU, Czech Republic – A freight train carrying toxic benzene derailed and erupted into flames today in Hustopeče nad Bečvou, 250 kilometers east of Prague. Five wagons and a locomotive blazed with… pic.twitter.com/BAWKavO5MH
Për shuarjen e zjarrit janë mobilizuar më shumë se 30 zjarrfikës nga rajone të ndryshme të Republikës Çeke, si dhe një laborator special i lëvizshëm kimik.
Sipas raportimeve fillestare, treni doli nga shinat, ndërsa një zjarr u regjistrua edhe në një nënstacion elektrik aty pranë, duke shkaktuar ndërprerje të energjisë elektrike në qytetin Hustopeče.
Flakët arritën deri në 20 metra lartësi, ndërsa zjarrfikësit përdorën shkumë speciale për të frenuar zjarrin dhe për të parandaluar përhapjen e tij më tej. Disa nga cisternat vazhduan të digjen për disa orë, pavarësisht përpjekjeve të autoriteteve për të frenuar shkatërrimin. Zona ishte jashtëzakonisht e rrezikshme, pasi treni mbante cisterna benzen, një substancë kancerogjene dhe shumë e ndezshme që përdoret në karburantin e avionëve.
Zjarrfikësit, pavarësisht kushteve të vështira, arritën të vënë nën kontroll zjarrin pas disa orësh përpjekjesh. Në zonë ka pasur urdhër që banorët të qëndrojnë në shtëpi dhe të shmangin ajrimi, për shkak të tymrave toksike që dalin nga zjarri.
Shpenzimet e para të parashikuara të dëmeve arrijnë në rreth 4.9 milionë euro. Pavarësisht se nuk ka të lënduar, autoritetet njoftuan se do të hetojnë shkaqet e daljes nga shinat për zbardhjen e rastit.
Çfarë është benzeni: Benzeni është një lëng transparent, me ngjyrë të çelur, që ka një erë karakteristike të ëmbël dhe avullon shpejt. Përdoret në shumë aplikime industriale, si në prodhimin e plastikës, rrëshirës, najlonit dhe disa bojrave. Është shumë i ndezshëm dhe ekspozimi i ajrit ndaj tij mund të shkaktojë dëme serioze shëndetësore, duke ndikuar në sistemin e frymëmarrjes dhe atë imunitar.
