“Ndoshta nuk është deklarata më e mirë për të treguar forcën kundër Rusisë. Çfarë mendojnë vallë?”
Presidenti amerikan Donald Trump nuk hezitoi të sulmojë edhe një herë ashpër presidentin ukrainas Volodimir Zelenski, përmes një postimi në Truth Social, duke paralajmëruar se durimi i Amerikës me të, ka kufij.
Trump ndau një artikull të Associated Press në të cilin Zelenski thotë se fundi i luftës është “larg, shumë larg”, duke e përshkruar deklaratën si “më të keqen e mundshme”.
Postimi i Trump:
“Kjo është deklarata më e keqe që mund të bëjë Zelenski dhe Amerika nuk do ta tolerojë atë për shumë kohë! Kjo është ajo që po thosha, ky djalë nuk do që të ketë paqe për sa kohë që ka mbështetjen e Amerikës dhe Europës, në takimin që pata me Zelenskin, deklaroi drejtpërdrejt se nuk mund ta bëjë punën pa SHBA-të, ndoshta nuk është deklarata më e mirë që duhet bërë, për të treguar forcën kundër Rusisë. Çfarë mendojnë vallë?”
