Qindra dhe ndoshta mbi 1,000 deri në 2,000 anëtarë të Hezbollahut u plagosën pasditen e sotme në një periferi të Bejrutit, kur shpërthyen pajisjet e komunikimit që mbanin.
Agjencia iraniane e lajmeve Mehr raportoi se ambasadori i Iranit në Liban, Mojtaba Amani, gjithashtu u plagos nga një shpërthim në altoparlantin e telefonit të tij celular.
Shikoni në videot e mëposhtme momentin e shpërthimit:
Për momentin, nuk ka asnjë koment nga Izraeli për incidentin dhe sulmin kibernetik që rezultoi i suksesshëm për ata që e organizuan.
Dhjetra anëtarë të Hezbollah-ut thuhet se u plagosën rëndë në incident, thanë burimet e sigurisë për Reuters, ndërsa një reporter i Reuters pa 10 anëtarë të Hezbollah-ut të gjakosur.
Shpërthime të ngjashme që plagosën disa të tjerë ndodhën pas incidentit fillestar në Bejrut, në zona të tjera në Libanin jugor, sipas burimeve të sigurisë të cituara nga Reuters dhe media arabe.
Si Al-Arabiya dhe Al-Jazeera raportuan se shpërthimet ndodhën në malin e Libanit dhe në pjesën jugore të vendit, ndërsa banorët thanë se ato zgjatën rreth gjysmë ore.
Të tjera informacione e çojnë numrin e të plagosurve në të paktën 2,000, ndërsa mes të vdekurve është edhe djali i zyrtarit të Hezbollah-ut dhe deputetit të parlamentit libanez Ali Ammar.
