“Ju dëshironi ta zgjeroni atë në një perandori mafioze!”
Sekretari i Jashtëm britanik, David Lammy foli me termat më abuzive për presidentin rus Vladimir Putin dhe për vetë Rusinë, të cilën ai e përshkroi si një “shtet mafioz” që dëshiron të zhvillohet në një “perandori mafioze”, ndërsa e krahasoi atë me një “pronar skllavërish”, në një fjalim në Këshillin e Sigurimit të Kombeve të Bashkuara.
Shprehjet e paprecedent që tregojnë se moderimi ka humbur në Britani dhe së bashku me administratën Biden, po i shtyjnë gjërat në një situatë shpërthyese që mund t’i kushtojë shumë keq të gjithë planetit.
Ky lloj karakterizimi tregon se obsesioni për një konflikt me Rusinë është krijuar kryesisht nga dy vendet anglo-saksone.
David Lammy, Sekretari i Jashtëm i Mbretërisë së Bashkuar, duke i thënë përfaqësuesit të Rusisë, “ne e dimë se kush jeni”, siç shkruan Politico, vazhdoi të përdorte një gjuhë shumë fyese dhe ofenduese kundër një populli të tërë, me një histori të gjatë si rusët.
Lamy akuzoi qeverinë ruse për “shkelje të ligjit ndërkombëtar” ndërsa pretendonte se po mbron “Jugun Global”.
“Ndërhyrja juaj është në interesin tuaj”, tha ai. “Vetëm e juaja. Për të zgjeruar shtetin tuaj mafioz në një perandori mafioze. Një perandori e bazuar në korrupsion”.
Ai shtoi: “Zoti President, unë flas jo vetëm si britanik, si londinez dhe si Sekretar i Jashtëm.
Por unë i them delegatit rus, në telefonin e tij ndërsa flas, se qëndroj këtu dhe si një zezak, paraardhësit e të cilit u transportuan me zinxhirë nga Afrika, në tytën e armës për të qenë skllevër, paraardhësit e të cilit u ngritën dhe luftuan në një revoltë të madhe të të robëruarve.
Imperializmi: E kuptoj kur e shoh. Dhe do e quaj kështu për atë që është”.
Fjalimi i Lammy-t vjen ndërsa Ukraina vazhdon shtytjen e saj intensive për të fituar miratimin për përdorimin e raketave perëndimore me rreze të gjatë veprimi, duke përfshirë Storm Shadows të Britanisë, në objektiva thellë brenda Rusisë.
Presidenti ukrainas Volodimir Zelenski do të takohet me homologun e tij amerikan Joe Biden dhe zëvendëspresidenten Kamala Harris në Uashington të enjten, ndërsa ai parashtron “planin e tij të fitores” për të mposhtur Rusinë, e cila brenda disa ditësh pritet të ketë pushtuar një nga kështjellat më të rëndësishme strategjike në Donbas, Volendar.
Duke folur me gazetarët në rrugën e tij për në New York, kryeministri britanik Keir Starmer e bëri të qartë se raketat me rreze të gjatë veprimi janë për diskutim ndërsa liderët botërorë mblidhen.
“Ne do të kemi diskutime për një gamë të gjerë çështjesh dhe do të dëgjojmë me kujdes atë që Presidenti Zelensky ka për të thënë”, tha Starmer.
“Unë nuk mendoj se plani i fitores do të ketë të bëjë me një çështje të vetme si raketat me rreze të gjatë veprimi, por do të ketë të bëjë me një rrugë strategjike dhe gjithëpërfshirëse për Ukrainën për të gjetur një rrugëdalje dhe për të pasur sukses përballë agresionit rus”, shtoi ai.
