Kandidatja demokrate për president Kamala Harris thotë se beson se Donald Trump është një racist, kaq e thjeshtë.
Kur u pyet nga Terrell Starr i “The Root”, nëse ajo beson se Trump është racist, senatorja nga Kalifornia u përgjigj troç: “Po! Po! Po!”
“Politico” raporton: Komentet e Harris ishin më të zymta se disa nga kandidatët e tjerë demokratë për presidentin.
Senatori Cory Booker ishte shumë më i kujdesshëm në fillim të këtij muaji kur iu bë e njëjta pyetje, duke thënë: “Unë nuk e njoh zemrën e askujt. Këtë ia lë Zotit”.
Senatorja Kirsten Gillibrand, ndërkohë, i ka quajtur politikat e migracionit të Trump-it si “raciste” dhe ish sekretari i Strehimit dhe Zhvillimit Urban Julián Castro, ka thënë se Trump “ka kontribuar në më shumë grindje racore”.
Në intervistën e botuar të martën, Harris përmendi komentet e kaluara të Trump që mbronte të dyja palët gjatë marshimit supremacist të bardhë në Charlottesville, Virxhinia, në vitin 2017 dhe retorikën e tij mbi migracionin në SHBA.
Gjatë tubimit të vitit 2017 “Unite the Right” në Charlottesville, Trump refuzoi të dënonte në mënyrë të njëanshme protestuesit e bardhë nacionalistë, duke thënë se kishte “njerëz shumë të mirë” nga të dyja palët. Harris tha se ajo pësoi “dhimbje dhe shqetësim të jashtëzakonshëm” pas deklaratave të Trump në përgjigje të tubimit, duke shtuar se dështimi i Trump për të mohuar dhe dënuar mbështetësit racistë, tregoi një dështim në udhëheqjen e tij.
“Ju mund të zgjidheni, por nëse jeni në të vërtetë një lider, atëherë nuk e falni dhe nuk e mbështesni, as edhe nuk e këshilloni urrejtjen”, tha Harris.
Harris dënoi gjithashtu shumëllojshmërinë e mesazheve dhe imazheve raciste që Trump ka përdorur në fushatën e tij, duke i lidhur emigrantët me krimin e dhunshëm dhe duke i quajtur disa emigrantë meksikanë pa dokumente “përdhunues” dhe tregtarë droge. Ajo gjithashtu aludoi në një raport të “Washington Post” në fillim të vitit të kaluar se, Trump i referohej vendeve të emigrantëve që marrin mbrojtje të posaçme qeveritare si “vendet e këqia”.
“Kur flisni për deklaratën e tij në [Charlottesville], kur flisni për atë që ai i quan vendet afrikane, si vende vrima, kur flisni që iu referohet emigrantëve si përdhunues dhe vrasës, nuk mendoj se mund të arrini në ndonjë përfundim tjetër”, tha Harris.
Disa orë pasi intervista e tyre u publikua, Starr postoi një përgjigje nga Komiteti Kombëtar Republikan në Twitter që përdorte uljen e papunësisë mes pakicave dhe reformën e fundit të drejtësisë penale të Trump , si tezë kokëfortë për të hedhur poshtë komentet e Harris, për racizëm.
“Nga arritja e niveleve më të ulëta historike të papunësisë afrikano-amerikane dhe ispanike, te nënshkrimi i ligjit të reformës historike të drejtësisë për çështjet penale, Presidenti Trump po lufton dhe po jep rezultate për të gjithë amerikanët. Sulmet e neveritshme të Kamala Harris ndaj Presidentit Trump janë një përpjekje e dëshpëruar për të tërhequr vëmendjen për fushatën e saj 2020″, tha zëdhënësi i RNC, Steve Guest.
