Dalja e trenit tregtar nga shinat në Idomeni, shkatërroi infrastrukturën hekurudhore në një gjatësi prej 4km!
Greqia po humbet prej dy muajsh lidhjen kryesore hekurudhore me botën e jashtme!
Një tren tregtar doli nga shinat të martën mbrëma (11 shkurt) në Idomeni, duke shkatërruar një shtrirje prej 4km të infrastrukturës hekurudhore dhe duke bllokuar kështu vendin për lidhjen me jashtë, për të paktën 2 muaj!
Linja hekurudhore e Idomenit është lidhja kryesore e vendit me botën e jashtme (ekziston edhe linja hekurudhore Strymon nëpërmjet Bullgarisë, por është e varur).
Konkretisht, pas orës 23:00, treni tregtar që shkonte nga stacioni Idomeni për në stacionin e Selanikut, ku doli nga shinat, duke shkëputur një pjesë të linjës hekurudhore.
“Nga imazhi i parë duket se një lokomotivë elektrike ka shkuar për të marrë një termolokomotivë, pra me naftë dhe vagonë bosh mbrapa, për t’i transportuar në stacionin e Selanikut. Motori termik doli nga shinat”, thotë për “Karfitsa”, Nikos Tsikalakis, Sekretari i Përgjithshëm i Sindikatës së Punonjësve të OSE.
Ekipet e OSE-së po punojnë në vendngjarje me vinça për të rikthyer motorin në binarë, ndërsa nga ngjarja nuk raportohet për të lënduar.
Tsikalakis deklaroi se po kontrollohen të gjitha të dhënat, ndërsa ka mundësi që stacioni i Idomenit të mbyllet deri në përfundimin e punimeve restauruese.
Siç thuhet:
“Këto linja ishin të mbyllura. Sipas informacioneve fillestare, dëmet janë mbi 4km, kështu që rruga europiane e vendit nga Shkupi, do të mbyllet për dy muaj. Lidhje Greqia do të ketë vetëm nga Strymoni, nga Bullgaria.
Hellenic Train do të duhet të dëmshpërblejë OSE dhe kompanitë e tjera, sepse aty kalojnë edhe dy kompani private që operojnë në Greqinë e Veriut, nga ku mallrat nuk do të kalojnë dot”.
Dëmi ekonomik është shumë i madh. Jo vetëm në drejtim të restaurimit të infrastrukturës, por kryesisht në drejtim të goditjes që do të pësojnë aktivitetet tregtare të vendit me jashtë.
Ajo që ka ndodhur në hekurudhat greke vitet e fundit nën qeverinë e Mitsotakis është “mbresëlënëse”.
