Masa të reja edhe më të ashpra, që u kufizojnë hyrjen në SHBA anëtarëve të Partisë Komuniste Kineze adoptoi Uashingtoni.
Kufizimet e reja që hynë në fuqi, kufizojnë afatin kohor të lejes së qëndrimit të anëtarëve të Partisë Komuniste të Kinës dhe farefisit të afërt të tyre, si dhe u lejohet vetëm një hyrje dhe qëndrim 1-mujor në SHBA.
Deri më sot anëtarët e Partisë Komuniste Kineze, si edhe të gjithë qytetarët e tjerë të Kinës, mund të merrnin lejë qëndrimi në SHBA deri në 10 vite.
“Për dekada i lejonim Partisë Komuniste të Kinës të ketë hyrje të lirë dhe pa pengesa në Amerikë, ndërkohë që nënshtetasit amerikanë nuk kanë patur asnjëherë të njëjtat të drejta kur shkonin në Kinë”, deklaroi një përfaqësues i ‘State Department’, sipas “New York Times”.
Kufizimet e reja prekim afro 270 milionë kinezë.
Tensioni midis Amerikës dhe Kinës është acaruar në shumë sektorë, me të dyja vendet të kenë marrë masa kufizuese kundrejt njëra-tjetrës.
Institucionet kineze deklaruan ‘persona non grata’ 15 gazetarë amerikanë.
Uashingtoni nga ana e tij kufizoi hyrjen e gazetarëve kinezë në Amerikë, por edhe gazetarëve kinezë që ndodhen në Amerikë, u ndaloi hyrjen në institucione shtetërore dhe ministri, si dhe kaloi në kontroll të gjithanshëm të gazetave dhe portaleve kineze që funksionojnë në Ameirikë, duke i konsideruar ato si mjete propagande kineze,
Qeveria Trump gjithashtu anuloi VISA-t për më shumë se 1 milionë kinezë, shumica prej tyre studentë dhe studiues, që dyshoheshin për agjenturë dhe spiunazh.
Këto kufizime që hynë në fuqi dje me propozim të Ministrisë së Jashtme ka acaruar edhe më tej marrëdhëniet mes dy vendeve.
Vlen të përmendet se 91 milionë kinezë janë anëtarë të partisë Komuniste Kineze, nëse shtojmë edhe familjarët e afërt të tyre, minimalisht 1/3 e nënshtetasve kinezë nuk shkojnë dot më në Amerikë, si dikur.
