“Rusia është e gatshme të ulet në tryezën e bisedimeve me Ukrainën”, tha Maria Zakharova, duke nxituar të shtojë se, “kjo do të bëhet në kushtet aktuale në terren”.
Përfaqësuesja e Ministrisë së Punëve të Jashtme ruse tha se Moska është e gatshme të negociojë me Kievin, nëse do të merren parasysh faktet që po formohen në këtë moment, duke nënkuptuar aneksimin e mirëqënë të katër rajoneve të Ukrainës (Donetsk, Lugansk, Kherson dhe Zaporizhia).
“Ne jemi ende të hapur për negociata. Ne kurrë nuk refuzuam t’i bënim ato. Ne jemi të gatshëm të negociojmë, natyrisht duke marrë parasysh realitetet që po shfaqen në këtë moment”, tha Maria Zakharova.
Deklarata ngjall kuriozitet, në më të paktën, pasi përkon me tërheqjen e rusëve nga Kherson dhe ndoshta tregon negociata sekrete që po zhvillohen…
Në të njëjtën kohë, Zakharova kritikoi Gjermaninë që në vend ta shtyjë Ukrainën drejt negociatave, i dërgon armë të reja Kievit.
“Në vend që të përdorë ndikimin e saj në regjimin e Kievit, pala gjermane, në kundërshtim me ligjet dhe rregulloret e veta, që ndalojnë eksportimin e armëve vdekjeprurëse në zonat e krizës dhe në zonat e konfliktit të armatosur, vazhdon të përforcojë fuqinë ushtarake të regjimit të Kievit me sisteme të ndryshme armësh, duke inkurajuar kështu qeverinë ukrainase të vazhdojë armiqësitë me çdo kusht”, theksoi ajo.
