FIFA heton gjuhën e urrejtjes në flamurin e Serbisë në dhomat e zhveshjes!
Foto e publikuar nga dhomat e zhveshjes së Serbisë e cila paraqet Kosovën si një krahinë të vendit.
Një foto që ka dalë në dritë nga dhoma e zhveshjes së Serbisë gjatë ndeshjes kundër Brazilit, po e vë në telashe federatën e vendit, pasi në të shfaqet flamuri i një harte të pashlyer apo të papërmbushur të Serbisë.
Konkretisht, harta e postuar tregon krahinën e Kosovës si pjesë të territorit serb dhe shoqërohet me mesazhin “nuk dorëzohemi”, të shkruar në gjuhën serbe.
Fotoja u qarkullua në rrjetet sociale por mori pjesën më të madhe të publicitetit kur u postua nga Ministrja e Kulturës, Rinisë dhe Sportit të Kosovës.
