Bankieri britanik Evelyn de Rothschild, i cili mbante edhe titullin “patriarku” i familjes së fuqishme, u nda nga jeta në moshën 91-vjeçare, siç njoftoi familja e tij sot, e martë (11/8/2022).
Sipas familjes së tij, Rothschild vdiq “i qetë në shtëpi”, siç raporton edhe britanikja ‘Sun’.
Familja e fuqishme Rothschild për shumë njerëz së bashku me Rokfelerët dhe disa familje të tjera, shihen si “kontrolluesit” e vërtetë të planetit. Ndoshta disa e ekzagjerojnë forcën e tyre, ndoshta dhe jo.
Rothschild kanë shumë degë në vende të ndryshme si SHBA, Britani, Zvicër, Itali, Gjermani, Francë, Austri etj.
Evelyn de Rothschild kishte ndihmuar në bashkimin e degëve britanike dhe franceze të grupit të famshëm bankar të familjes së tij, ndërsa, sipas Bloomberg, ai madje i kishte dhënë këshillat e tij financiare Mbretëreshës së Britanisë Elizabeta II.
Maniati i kishte thënë ‘New York Times’ në vitin 1996 se, “forca e parë e familjes sonë është uniteti”, kur u bë bashkimi i degëve britanike dhe franceze të bankës.
Kush ishte Evelyn de Rothschild?
Nga viti 1976, Rothschild shërbeu për 27 vjet si president i N.M. Rothschild & Sons. Midis shumë roleve të tjera të saj, banka tashmë e njohur si Rothschild & Co. ndihmoi në financimin e fitores së Dukës së Uellingtonit mbi Napoleonin në vitin 1815 në Betejën e Waterloo.
Përpara se të largohej në vitin 2003, Rothschild arriti qëllimin e tij të planifikuar prej kohësh për të bashkuar biznesin londinez me homologun e tij francez Rothschild & Compagnie Banque. Ky u pa si një hap kyç për të mbetur konkurrues me bankat shumëkombëshe shumë më të reja, por edhe më të mëdha.
Lidhur me fuqinë e familjes, Niles Weekly, Vëllimi 49, në vitin 1836 kishte botuar sa vijon në lidhje me ndikimin e tyre në financat e larta ndërkombëtare:
“… Ata shikojnë lart, mbi mbretërit, ngrihen më lart se perandorët dhe mbajnë një kontinent të tërë në pëllëmbët e duarve të tyre. Rothschild sundojnë të ashtuquajturin krishterim.
Asnjë kabinet nuk lëviz pa këshillën e tyre. Ata e shtrijnë dorën, me të njëjtën lehtësi, nga Petersburgu në Vjenë, nga Vjena në Paris, nga Parisi në Londër, nga Londra në Uashington.
Ata mbajnë çelësat e paqes ose të luftës, të bekimit ose të mallkimit… Ata janë ndërmjetësit dhe këshilltarët e mbretërve të Europës dhe të udhëheqësve demokratë të Amerikës. Çfarë mund të dëshironin më shumë?”
