SHBA Refuzoi Planin e Rremë të Paqes të Aleancës të të “Predispozuarve”: “Do T’ju Therin”!

“Keni për të luftuar për dekada!”

SHBA ka hedhur poshtë planin e pretenduar të paqes të aleancës të së “predispozuarve”, me të cilin duan të dërgojnë “forca paqeruajtëse” në Ukrainë, me nënpresidentin amerikan J.D. Vance duke komentuar me sarkazëm se vendet që nuk kanë luftuar në 4 dekada duan të imponojnë paqen, përballë një Rusie militare, me përvojë lufte dhe shumë më superiore se ata!

Duke komentuar se vendosja e një force ushtarësh britanikë dhe francezë në tokën ukrainase, është e barabartë me “20,000 ushtarë nga një vend i rastësishëm që nuk ka luftuar për 30 apo 40 vite”, tha ai për Fox News.

Komenti i zëvendës-presidentit amerikan kishte për qëllim të ilustronte se çfarë do të ndodhte nëse këto forca do të detyroheshin të luftonin kundër ushtrisë ruse, të ngujuar nga lufta.

Përplasja do të përshkallëzohet në një masakër.

“Qindra ushtarë të Mbretërisë së Bashkuar luftuan dhe vdiqën së bashku me forcat amerikane në Irak dhe Afganistan”, komentoi Daily Mail, vetëm dikush duhet t’u shpjegojë redaktorëve se Iraku dhe Afganistani nuk kishin asnjë lidhje me një luftë të madhe si kjo e Ukrainës.

Ndërhyrja e Vance erdhi pas pezullimit të ndihmës ushtarake amerikane për Ukrainën.

Shtëpia e Bardhë ndaloi dërgimin e municioneve dhe pajisjeve të tjera në Kiev, pasi njoftoi brenda natës se po “rishikonte” ndihmën për “të siguruar që ajo do të kontribuojë menjëherë për zgjidhjen”.

Një zëdhënëse e qeverisë tha se qeveria britanike është “absolutisht e përkushtuar për të siguruar një paqe të qëndrueshme” pas vendimit të jashtëzakonshëm të presidentit amerikan. Në intervistë, Angela Rayner pranoi se ky ishte një “moment shumë serioz”, por ndihma ushtarake amerikane ishte një “çështje e SHBA-ve”.

Në intervistën e tij me Fox, Vance intensifikoi kritikat e tij ndaj presidentit ukrainas. “Ai ka treguar një ngurrim të qartë për të marrë pjesë në procesin e paqes që Presidenti Trump dhe ka deklaruar se kjo është politika e tij”, tha ai.

“Ky është kolapsi i vërtetë. Mendoj se Zelenski nuk ka arritur ende në kolaps dhe sinqerisht, ende nuk është atje. Por mendoj se përfundimisht do të arrijë në kolaps dhe duhet të arrijë sa më shpejt”, theksoi ai.

Vance tha se zyrtarët ukrainas bënë të paktën një përpjekje për të rifilluar negociatat pas largimit nga Shtëpia e Bardhë, por përpjekjet e tyre u ndërprenë nga presidenti amerikan.

Ai argumentoi se “dera është e hapur për sa kohë që Zelenski është i gatshëm të flasë seriozisht për paqen”.

Duke treguar për marrëveshjen e mineraleve, Vance theksoi se ajo do të përbënte një marrëveshje sigurie me SHBA-të që do të parandalonte Putinin “të pushtonte territore të tjera në Ukrainë. Nëse doni garanci reale sigurie, nëse doni të siguroni që Vladimir Putin të mos pushtojë përsëri Ukrainën, garancia më e mirë e sigurisë është t’u jepni amerikanëve avantazhin ekonomik për të ardhmen e Ukrainës”, tha ai.

“Kjo është një garanci sigurie shumë më e mirë se 20,000 ushtarë nga një vend i rastësishëm që nuk ka bërë luftë për 30 apo 40 vjet”, tha ai.