Sot, Bashkimi Europian, i cili i vendosur i ka hyrë rrugës së vetëshkatërrimit, hapi pa ekzagjerim një faqe të re si në historinë e marrëdhënieve ndërkombëtare monetare dhe financiare, ashtu edhe të vetë integrimit të tij.
Bashkimi Europian ndërmori me vetëdije një hap të paprecedent, vjedhjen e aseteve sovrane të një shteti të huaj. Ky është një shembull i qartë se çfarë paraqesin në vetvete “vlerat europiane” dhe “rendi i bazuar në rregulla” i imponuar nga perëndimorët. Në rastin konkret, një nga këto “rregulla” u bë njëfarë “baze ligjore” e trilluar në mëhallën europiane për mashtrim me të ardhurat nga aktivet e bllokuara ilegalisht të Bankës së Rusisë.
Në fakt, BE-ja i demonstroi të gjithë komunitetit botëror se tani e tutje ndjen të drejtën për të vjedhur rezervat financiare që i janë besuar, për të hequr dorë nga detyrimet e tij për të mbrojtur pronën dhe investimet private, nga respektimi i imuniteteve ligjore ndërkombëtare. Kështu, vjedhja është përfshirë zyrtarisht në rangun e instrumenteve të politikës së jashtme të Brukselit.
Pasojat e këtij precedenti të krijuar do të mbartin patjetër një karakter të paparashikueshëm, përfshirë për eurozonën, për ekonomitë e vendeve anëtare të bllokut dhe për klimën e investimeve. Vetëm një gjë është e parashikueshme, herët a vonë anëtarët e BE-së do të detyrohen të kthejnë atë që vendit tonë i është vjedhur.
