U aktivizua mekanizmi i shkëputjes në sfondin e “stuhisë” në jug të ishullit Kasos.
Burime diplomatike thanë se “konsultimet e duhura po zhvillohen me synimin për të përfunduar kërkimin bazuar në planifikimi ekzistues”.
Një provë e fortë përplasjeje për qëndrueshmërinë e qasjes greko-turke ishte incidenti në Kasos, me anijen kërkimore italiane “Ievoli Relume” ballë për ballë me pesë anije luftarake turke, që donin të dërgonin mesazhin përmes pranisë së tyre, se zona në të cilën kryen kërkime, është një zonë e shelfit kontinental turk. Athina përgjigjet se jo vetëm që anija kryen më së shumti studime brenda ujërave territoriale greke, por edhe kjo zonë bie nën marrëveshjen Greqi-Egjipt nga viti 2020 për përcaktimin e pjesshëm të Zonës Ekskluzive Ekonimike (ZEE). Një ZEE që kryqëzon, natyrisht, memorandumin ilegal turko-libian, të cilit turqit po përpiqen t’i japin substancë, subjekt.
Sipas informacioneve të kryqëzuara nga Media dhe kanale shtetërore, incidenti dhe përshkallëzimi i afërt aktivizuan mekanizmin e shkëputjes greko-turke që ekziston në një nivel më të lartë politik. E thanë… pa e thënë, në fund të fundit, dhe në mesditë burime diplomatike, sipas të cilave “po bëhen konsultimet e duhura për përfundimin e kërkimeve në bazë të planifikimit ekzistues”. Këto “marrëveshje” nuk u bënë në nivel administrate, as në nivel Shtabi, por në fakt funksionoi “telefoni i kuq” greko-turk, për të pasur një shkëputje.
Nga të njëjtat informacione, anija e kompanisë italiane me interesa franceze do të përfundojë nesër kërkimet e saj, bazuar në NAVTEX-in e përditësuar grek të lëshuar sot dhe ndjesia në qeveri është se nuk do të ketë më komplikime. Lidhur me këtë çështje ka një kanal të hapur sot, gjatë gjithë ditës, mes Kryeministrisë Greke, Ministrisë së Punëve të Jashtme, Ministrisë së Mbrojtjes dhe Shtabit të Ushtrisë.
Megjithatë, më gjerësisht, nga pala greke nuk e nënvlerësojnë incidentin dhe as nuk e injorojnë që ka ndodhur, ndërkohë që nuk kishte ndodhur në të kaluarën. Incidenti i shtohet zinxhirit të veprimeve provokuese turke, që nga festa në territoret e pushtuara qipriote, sulmi i drejtpërdrejtë i Erdoganit ndaj Nikos Dendias dhe raporti i sotëm i partnerit qeveritar të presidentit turk, Devlet Bahtceli, me të cilin ai vuri në dyshim sovranitetin e një sërë ishujve grekë.
