“Qëllimi i SHBA-ve është të gëlltisin Iranin!”
Udhëheqësi Suprem i Iranit, Ali Khamenei, gjatë deklaratave të sotme, theksoi se Irani e konsideron Presidentin e SHBA-ve Donald Trump, një “kriminel” pasi ai shkaktoi viktima, dëme dhe përhapi shpifje për popullin iranian gjatë protestave.
“Qëndrimi i fundit anti-iranian ishte i ndryshëm në atë që presidenti i SHBA-ve u përfshi personalisht”, tha Khamenei, siç raportohet nga mediat iraniane.
“Ne e mbajmë presidentin amerikan përgjegjës për viktimat, dëmet dhe akuzat e ngritura kundër kombit iranian”, i tha ai një turme mbështetësish gjatë një fjalimi që mbajti me rastin e një feste fetare.
“Ishte një komplot amerikan”, shtoi ai, duke shtuar se “qëllimi i SHBA-ve është të gëlltisin Iranin (…) qëllimi është ta vendosë Iranin nën dominim ushtarak, politik dhe ekonomik”.
Për më tepër, Ali Khamenei vlerësoi se autoritetet duhet “të shpërndajnë rebelët”, pas shtypjes së përgjakshme të valës së protestave kundër qeverisë, me mijëra vdekje.
“Nuk kemi ndërmend ta çojmë vendin në luftë, por nuk do të tregojmë mëshirë ndaj kriminelëve të vendit (…) madje më shumë sesa ndaj kriminelëve vendas, kriminelëve ndërkombëtarë, nuk do të tregojmë mëshirë as ndaj tyre.”
“Me fuqinë e Zotit, kombi iranian duhet t’i shpërbëjë rebelët, ashtu siç shpërbëu kryengritjen”, shtoi ai.
