Paralajmërime për një dimër “ferr” në Europë nga Presidenti i Serbisë.
“Çmimet e energjisë elektrike dhe gazit rriten në Europë me afrimin e motit të ftohtë. Vendet europiane po përgatiten për një dimër “ferr” për shkak të rritjes së çmimit të energjisë”, tha sot presidenti serb Aleksandar Vuçiç, ndërsa deklarata se “vendi është i mbrojtur edhe nëse ka sabotim në Gazsjellësin Turk, pas sabotimeve në Gazsjellësin Verior Nord Stream 1 & 2”, shkaktoi një sërë pikëpyetjesh.
“Moti më i ftohtë do të fillojë pas pesë deri në shtatë ditë dhe më pas Europa do të fillojë të djegë rezervat e saj të gazit natyror”, u tha Vuçiç gazetarëve pas vëzhgimit të stërvitjeve ushtarake në një zonë në Serbinë lindore.
“Dje çmimi i gazit natyror ishte 219 dollarë për 1000 metër kub, ndërsa sot është 450 dollarë”, shtoi Vuçiç. “Do të rritet çdo ditë, sepse kur grupi i parë të fillojë të mbarojë dhe të mos ketë asgjë për ta zëvendësuar atë, çmimi do të rritet”.
Presidenti serb vuri në dukje se kjo do ta bëjë edhe më të shtrenjtë energjinë elektrike, duke vënë në dukje një rritje të ngjashme të çmimit në tregun europian ‘spot’, i cili tha se u rrit nga 156 euro për megavat orë të mërkurën, në 240 euro megavat orë sot, të enjten.
Vuçiç këmbënguli se vetë Serbia është e përgatitur mirë, pasi ka depozituar 667 milionë metra kub gaz natyror në katër objekte. “Populli i Serbisë nuk ka arsye për t’u shqetësuar, edhe nëse diçka ndodh me Gazsjellësin Turk, që dërgon gaz natyror nga Rusia”, tha ai.
“Nëse do ta presin nesër, ose do ta sabotojnë dhe do të luajnë sërish budallallëqe, edhe pse dihet se kush qëndron pas shpërthimeve në Baltik, por të gjithë luajnë budallanë, për të mos dëmtuar interesat e vendit, do të mbijetojmë. Nuk jam i sigurt për të tjerët”, tha Vuçiç, duke iu referuar shpërthimeve të shtatorit që shkatërruan gazsjellësit Nord Stream.
Moska ka akuzuar Britaninë e Madhe për orkestrimin e sabotimit, të cilin Londra e ka mohuar.
Serbia nuk është anëtare e BEsë dhe nuk i është bashkuar sanksioneve të bllokut kundër Rusisë, pavarësisht presionit në rritje nga Brukseli për ta bërë këtë.
Kontratat e së ardhmes europiane të gazit natyror tregtohen mes 1,333 dhe 1,405 dollarë për 1,000 metër kub sot, mes frikës se moti jashtëzakonisht i ngrohtë, së shpejti do t’i lërë vendin temperaturave sezonale të nëntorit.
