Dikur në Davos, “Elitat” Globaliste Kundër Trump!

Një numër udhëheqësish dhe sipërmarrësish të njohur, duke përfshirë edhe George Soros dhe Angela Merkel e kanë cilësuar nacionalizmin e Trump si kërcënim për Rendin e Ri Botëror, gjatë Forumit Botëror Ekonomik të zhvilluar në Davos, Zvicër.

Udhëheqës globalistë si Kancelarja gjermane Angela Merkel, Presidenti franzec Emmanuel Macron, Kryeministri kanadez Justin Trudeau, ish Presidenti brazilian, të tjerë dhe George Soros i dolën hapur kundër Presidentit Trump, si të ishte “e keqja” e shfaqur mbi rruzull.

Merkel, kur u pyet rreth ngritjes së frymës nacionaliste, e quajti atë si një “helm” për shoqërinë. Të njëjtën gjë kancelarja tha edhe dje, 3 qershor 2020: “Shpresoj që nacionalizmi të mos rritet, por u them se është një helm”.

Merkel: “Uroj që Gjermania të jetë një vend që i shtrin kontributet e saj në një të ardhme që problemet dhe çështjet zgjidhen në një rrafsh global, në një botë të bashkuar. Unë mendoj se duke u ndrydhur dhe duke u izoluar nuk mund të shkojmë dot drejt së ardhmes. Proteksionizmi nuk është përgjigja e duhur ndaj problemeve.”

Mesa shikoni globalistët nuk e duan proteksionizmin, për rrjedhojë nuk duan më popuj sovrane, kombe të mëvetëm. Nga ana tjetër flasin për probleme që duhet të zgjidhen me forma globale, ndërkohë që janë probleme që i kanë krijuar vetë, siç është ai i emigracionit të paligjshëm dhe dyndjes së popujve nga vende të Lindjes dhe Afrikës, drejt Europës, si të mos kishte kufij dhe ligje, jashtë çdo kontrolli.

Macron në Davos u shpreh: “Le të mos bëhemi naivë… globalizimi po kalon një krizë të thellë. Gjërat kanë filluar të fragmentarizohen. Kemi shoqëri të krijuara nga nomadë. Ka shumë e shumë njerëz që duan të dalin tani, menjëherë, nga globalizmi”.

Kjo retorikë nuk është asgjë tjetër veçse një gjuhë kundër nacionalizmit, vetëvendosjes dhe sovranitetit kombëtar.

Soros: “Duhet të jetojmë në një Shoqëri të Hapur, por në Amerikë kemi një diktator si Trump dhe e ka për detyrë Kongresi dhe institucionet që ta largojnë nga posti i Presidentit… Është ky President që po frymëzon të djathtën ekstreme në Europë dhe po krijon probleme në Bashkimin Europian… Ka shumë kryetarë opozitash në Europë që luftojnë kundër BE-së dhe kanë arritur të krijojnë probleme. Paralel me këta qëndron Putin dhe Rusia, që është realisht një kërcënim për Europën dhe vlerat e saj… E pamë në Amerikë sesi arriti Putin të luftojë kundër zonjës Clinton… Rendi i Ri Botëror është e ardhmja e botës, drejt asaj shkojmë, por kemi pengesa nga Anglia, Italia dhe disa vende të tjera. Nuk do të jetë e lehtë, por ne do të duhet të përpiqemi deri në fund për të mbrojtur BE-në dhe SHBA-në…”

Lini një Përgjigje

Your email address will not be published.

Previous Story

Soros po e Kthen në Personale Përplasjen me Presidentin Trump (video)

Next Story

140 Akademikë që Financohen nga Zuckerberg Kërkojnë që Facebook të Kontrollojë Postimet e TRUMP

Latest from Opinione

“Juda” i Padukshëm!

Mashtruesin politik mund dhe duhet ta nxjerrin zbuluar, mund dhe duhet ta akuzojnë publikisht, skeptikët dhe