8 Humbjet e Vullnetshme të Bashës – Qëndrimi në Opozitë i PD-së Falimentoi Militantët, por i Solli Kapitale të Shtuara Sipërmarrjes “PD”, në Pronësi të Bashës.

1. Kryetari i Bashkisë së Tiranës, ishte përgjegjësi numër dy për humbjen e Zgjedhjeve Kombëtare të vitit 2013.

2. Kryetari i PD-së është përgjegjësi i humbjes së Zgjedhjeve Lokale të vitit 2015.

3. Kryetari i PD-së është përgjegjësi i humbjes së Zgjedhjeve Kombëtare të vitit 2017.

4. Kryetari i PD-së është përgjegjësi i humbjes së Zgjedhjeve Lokale të vitit 2019, mes mospjesëmarrjes në zgjedhje, teksa PD është parti elektorale.

5. Kryetari i PD-së është përgjegjësi i humbjes së Zgjedhjeve Kombëtare të vitit 2021.

Mos harroni edhe këto 3 humbje:

6. Kryetari i PD-së është përgjegjësi i humbjes së Zgjedhjeve Lokale të përshpejtuara në Korçë.

7. Kryetari i PD-së është përgjegjësi i humbjes së Zgjedhjeve Lokale të përshpejtuara në Dibër.

8. Kryetari i PD-së është përgjegjësi i humbjes së Zgjedhjeve Lokale të përshpejtuara në Kolonjë.

8 humbje dhe asnjë dorëheqje. Institucionin e dorëheqjes e njohin ata që njohin institucionin e përgjegjësisë. Basha nuk klasifikohet në këta lloj individësh politikë që marrin përgjegjësi, një monedhofagu si Basha, nuk i kërkohet në fakt dorëheqja, i duhet marrë zyra që ka zaptuar, forcërisht. Por prej kujt? Kush? Kjo është çështje! Ndaj të djathtët intelektualë dhe mendjehapur nuk e gjejnë më veten në një parti të atrofizuar dhe të zaptuar nga dy familje dhe pa politikanë seriozë që i dalin prëballë shkatërrimtarit Basha.

Lulzim Basha e ka shndërruar Partinë Demokratike në sipërmarrje private dhe kush dyshon për këtë, përveçse fatkeq është edhe i pashpresë, si dhe bakeq për vendin dhe popullin. Dhe kush kundërshton është palë në kompromis malinjë.

Gjithçka që do të vijë në ditët, javët dhe muajt në vazhdim do të jenë përpjekje për të mbajtur Bashën në krye të PD-së, sepse Basha i duhet Ramës dhe askush tjetër, por edhe Berishës i duhet, mesa kuptoni, jo nga ato që duken, por nga ato që struken.

Partia Demokratike shkon tashmë e paepur drejt shkrirjes graduale, me Bashën dhe Bashallëkun në sofër dhe ca militantë viktima që do të zgajten në kangjellat e SHQUP-it. “Nuk ka viktima të pafajshme”. (Sartre)

8 humbje që konsolidojnë Bashën në postin e kreut të PD-së. Kur të djathtët nuk e larguan Bashën 8 herë, pse do e largojnë tani?! Kur nuk pati të djathtë që ta largonin ashën 8 herë, kush do ta largojë tani?!

Kush mendon se Basha do të ikë, paska “ikur”!

Lini një Përgjigje

Your email address will not be published.

Previous Story

Ç'është Kjo Parti "Police" me "Grup të Armatosur për Mbrojtjen e Votës"?! - Vrasja që Vulosi Humbjen e Thellë!

Next Story

Filozofo-teologo-juristo-gazetari Bëri Gafën e Rradhës me Greqishten dhe Aristotelin!

Latest from Opinione

“Juda” i Padukshëm!

Mashtruesin politik mund dhe duhet ta nxjerrin zbuluar, mund dhe duhet ta akuzojnë publikisht, skeptikët dhe