Gjermania po instalon sisteme të mbrojtjes ajrore në bazat dhe ndërtesat e Ministrisë së Mbrojtjes për shkak të fluturimeve me dron dhe frikës së goditjes.
Gjermanët mbrojnë Ministrinë e tyre të Mbrojtjes me sisteme antidrone dhe e gjitha kjo vjen si një analizë e situatës dhe ndërmarrje masash, teksa ekziston frika e një gabimi, apo goditjeje të mundshme.
“Gjermania do të instalojë sistemet më të mira të mbrojtjes kundërajrore mbi ndërtesat e zyrave të Ministrisë së Mbrojtjes pas një sërë fluturimesh të dyshimta me dron”, shkroi dje revista gjermane ‘Der Spiegel’.
Revista raportoi se një dron i tillë, me një hapje krahësh prej 8 metrash, u pa mbi selinë e dytë të ministrisë në Bon, në tetor 2022.
Ai citon një dokument të brendshëm në të cilin zyrtarët diskutojnë opsionet që Gjermania të fitojë shpejt aftësinë për të gjurmuar këta avionë dron, për t’i rrëzuar ata.
Sipas ‘Der Spiegel’, inteligjenca ushtarake ka pikasur drone që fluturojnë pranë bazave ushtarake në Gjermani, ku po trajnohen ushtarët ukrainas.
