Izraeli ka një problem strategjik nëse nuk reagon.
Imazhi i Izraelit është dëmtuar shumë pak orë pas përfundimit të sulmit iranian. Analistët izraelitë dhe perëndimorë tani pranojnë se ishte “një sulm i paprecedent iranian” dhe nuk ishte aspak simbolik siç menduan fillimisht, se do të ishte.
Imazhi i Izraelit si një superfuqi në Lindjen e Mesme është “plasaritur” dhe doktrina e parandalimit të IDF do të ketë pësuar një goditje të rëndësishme, nëse Izraeli nuk kundërpërgjigjet.
Videot historike tregojnë raketa dhe dronë iranianë që fluturojnë mbi Parlamentin (Knesset), Malin e Tempullit dhe Xhaminë Al-Aksa.
Imazhi i tmerrshëm ai i mbrëmshmi, që ka tronditur shumë njerëz në Izrael, pasi është një shfaqje e pabesueshme fuqie nga Irani. Nëse objektivi ishte Parlamenti, Irani mund ta kishte goditur dje.
Imazhi i superfuqisë së Izraelit është “plasaritur”.
Shfaqja e forcës së Iranit brenda Izraelit i bën shumë të pyesin se çfarë do të kishte ndodhur dje nëse SHBA, Britania, Franca dhe vendet e tjera të Gjirit si Jordania, Arabia S.A nuk do ta ndihmonin Izraelin?
Irani u përpoq të mposhtte mbrojtjen ajrore të Izraelit.
Dy zyrtarë të lartë të mbrojtjes izraelite thanë se “sulmi i paprecedent iranian” ndaj Izraelit besohet se konsiston në 185 dronë “vetëvrasës”, 110 raketa balistike me rreze të mesme veprimi dhe 36 raketa lundrimi me shumicën e lëshuar nga Irani, megjithëse disa u lëshuan nga Houthi, grup në Jemen dhe nga përfaqësues të mbështetur nga Irani në Irak.
Kjo do të thotë, Irani e mbajti drejtpërdrejt peshën kryesore të sulmit.
Siç shihet, nëse në sulm do të ishin përfshirë edhe aktorë të tjerë në rajon, si Hezbollahu, i cili mbeti joaktiv dje, gjërat do të ishin shumë të vështira për të gjithë në rajon.
Vihet re se zyrtarët izraelitë kanë pranuar se baza ajrore në shkretëtirën Negev është dëmtuar, pasi është goditur nga disa raketa. Iranianët u përpoqën të çaktivizonin pistën ajrore të bazës.
Izraeli ka një problem të madh parandalues.
Tani Izraeli përballet me një problem shumë serioz. Nëse nuk reagon ndaj sulmit iranian, Irani do të ketë arritur një fitore të madhe dhe historike, që krijon preçedent.
Sa herë që Izraeli godet objektivat iraniane në Siri dhe Lindjen e Mesme në përgjithësi, Irani do të bombardojë drejtpërdrejt territorin izraelit.
Dhe kjo është ajo që frikëson shumë njerëz brenda dhe jashtë Izraelit tani më. Shumë prej kundërshtarëve të Izraelit në Lindjen e Mesme do të inkurajohen nga fotografia e djeshme me sloganin.
“Izraeli nuk është i paprekshëm.”
Ky është mesazhi që Irani i dërgoi botës myslimane dje.
Ekziston një ngërç strategjik për Izraelin, pasi një sulm ndaj Iranit do të ishte gjëja më e keqe tani dhe askush nuk e dëshiron atë.
Nga ana tjetër, nëse Irani fillon një sulm të tillë tani, çfarë do të ndodhë në të ardhmen kur të bëhet më i fortë? Programi i saj bërthamor është në vazhdim, ndërsa sanksionet nga Rusia dhe Kina janë hequr.
Irani ka filluar të riarmatoset.
Raketat/dronët iranianë mbi Knesset (Parlament).
